【白色強人】槍撃案疑犯盧海鷹大有來頭 《少林足球》一扑成名!

撰文:
最後更新日期:

TVB《白色強人》進入結局篇,最新一集就講到《白色強人》商業大廈發生槍擊案,有精神失常的營業員槍傷上司,還在辦公室脅持其他多名人質,蘇怡(唐詩詠飾)、洛雯(李佳芯飾)、懷德(何廣沛飾)奉命到場搶救槍傷人質。而該名飾演精神失常的營業員的特約演員就是盧海鷹(Leo),他曾參演過多部電影,最著名一部就是《少林足球》!

現年38歲的Leo在劇中雖然只是演一名精神失常的營業員,但演技精堪的他都有不少戲份,其中在玻璃窗前玩槍,將神經質的一面演得出神入化,令人難忘。不過,講到最深刻的演出莫過於Leo在《少林足球》中,拿着木棍一棍又一棍毆落星爺個頭:「鐵頭功吖嗱!鐵頭功吖嗱!」Leo接受《香港01》訪問時稱:「其實我係星爺fans,當年《少林足球》喺時代廣場有搞招募演員,我晨早7點就去排隊,諗住入唔到都起碼可以見星爺一面。咁我準備咗扮李小龍,又扮星爺同埋棟篤笑之後,就入選有機會參演。」

有冇熟口熟面?(電視截圖)

點撃重溫Leo演技!

+13
+12
+11

問到當年的難忘事,Leo就指:「當時拍攝就係星爺演一次,我跟住佢演,純粹係模仿佢。最記得就係佢同講:『嗱,唔好留力呀,留力就唔好睇,照扑落嚟!』佢真係一個極度認真嘅人,而我又真係好大力咁照扑,前前後後扑咗10幾棍。咁拍完,我見星爺面不改容,就攞支棍扑自己,雖然係道具但其實真係幾痛,所以佢真係好犀利!」

拍《少林足球》!(受訪者提供)

同柏芝都有戲!(受訪者提供)

點撃下圖重溫當年《少林足球》點扑星爺!

+7
+6
+5

除了《少林足球》,Leo亦參與過不少演出,包括《老夫子2001》、《9個女仔1隻鬼》、《寒戰》等等,他目前除了是TVB的特約演員亦會參演舞台劇和拍攝等工作。問到目標,Leo就稱:「其實之前我都有全職做幕後,入導演組做副導演,但我始終都係鍾意做戲,希望有多啲演出機會。」

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。