【法證先鋒IV】拍完外景身形即縮水 湯洛雯:好得意又奇怪

撰文:
最後更新日期:

TVB電視劇《法證先鋒IV》早前因「安心事件」要抽起黃心穎的戲份,改由湯洛雯(靚湯)頂上。而要補拍的戲份,靚湯與《法證先鋒IV》一眾演員到台灣取景拍攝,近日終於拍攝完畢,靚湯回到香港後隨即便投入其他工作。今天(11日)她與張秀文同場出席活動時候,明顯地見到她消瘦了,她解釋:「因為拍攝期間其實我冇點樣瘦,但拍完後就開始縮水,可能我身體知道我做緊嘢,佢就幫我儲存一啲脂肪幫我消耗工作嘅體能,所以拍完就即刻瘦,好得意又奇怪。」
 

靚湯表示雖然瘦了,但沒有上磅計算過瘦了多少,她說磅了壓力會很力。(陳順禎攝)

其實拍攝過程中靚湯直言是辛苦:「其實初初我唔慣,又咁密集式拍攝,都有啲驚,但最後習慣咗就好好多。同埋壓力唔係來自體能,壓力係來自對角色嘅了解各樣等等,所以就係擔心呢樣,不過後期上手就Ok。」

靚湯直言身型線條美是最重要。(陳順禎攝)

近期網民發起「力撐」TVB藝人的商演活動,全因為網民覺得近年TVB新聞部的報導偏頗。靚湯表示不擔心會影響到她的工作:「其實我唔會特別擔心,因為平時都係公司安排工作,咁安排咗就會做到最好。我都唔會特別擔憂呢件事,因為都擔憂唔嚟,平常心。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。