【愛美麗狂想曲】黃子恆新劇冇晒影 角色被黃建東頂替?

撰文:黃欣華
出版:更新:

李佳芯、陳豪和何廣沛等一眾演員最近都忙於拍攝新劇《愛美麗狂想曲》,日以繼夜的拍攝難免辛苦,但演員們不時都會苦中作樂,在IG分享拍攝花絮。但有眼利的網友就發現照片中,幾乎都沒有扮演正經的生意人角色的黃子恆,懷疑他被同劇演員及幕後杯葛。

黃子恆去年年尾被爆搭上內地女粉絲Michelle,二人兩度發生性行為後,女方自稱懷孕及要墮胎,而黃子恆卻一直玩失蹤,女方無奈下向傳媒爆料,揭發黃子恆的渣男行徑,令其形象再次跌入谷底。經過短暫「雪藏」,黃子恆今年6月「復出」拍攝新劇《愛美麗狂想曲》,在新劇中他會「洗底」扮演正經的生意人角色,並與譚凱琪有感情線。

黃子恆和譚凱琪在新劇有感情線!(圖片來源:視覺中國)
一改以往型仔造型,行斯文路線!(圖片來源:視覺中國)

但近日,就有網友發現演員們的IG Post不單見不到黃子恆的蹤影,更發現另一名演員黃建東戴上黃子恆的同款眼鏡與譚凱琪合照,疑似頂替黃子恆原定的角色,難道黃子恆最後難逃命運被飛出劇組?

黃建東四眼造型與黃子恆似足99%,難怪網友有如此推測!(Ig圖片/@derekwong726)

點撃下圖睇劇組花絮相!

+9

黃建東接受《香港01》訪問時就解釋:「我同佢兩個角色嚟嘅,我冇見過黃子恆,因為冇佢同場,亦冇見過佢嘅角色造型,所以唔知道我哋有幾似。而我就係飾演一個內地豬場老闆,係譚凱琪男朋友,的確有感情線。雖然親熱戲就冇乜,但係就有戀人最痛嘅一刻,好傷感好無奈,好耐都冇試過咁感性。(但黃子恆同Zoe都有感情戲喎?)咁我就唔想劇透住,大家到時可以留意吓。(覺唔覺佢被人杯葛?)我私底下認識嘅子恆係非常之 nice非常好人,所以我絕對唔相信佢會被杯葛。如果真係有人哋被杯葛,我覺得嗰個會係我,因為我太為食可能其他演員會驚我食晒啲嘢。」

黃建東不忘講好說話!(Ig圖片/@derekwong726)

而黃子恆近月都不斷做運動發洩體力,行山、踢足球、打網球通通有玩,相信他務求以健康正面的新形象與大家見面。

黃子恆只在鄭子誠IG出現。(IG圖片/@hugo628)
+3