前TVB藝人楊斯雅又爆料 大談港姐黑幕:無綫內定三甲人選

撰文:
最後更新日期:

曾參選2012年香港小姐的無綫前藝人楊斯雅(Cindy)繼之前踢爆有男星無差別向女藝人約炮後,昨晚(6/8)又公開新片大爆娛樂圈秘聞,直指香港小姐競選有黑幕!

楊斯雅曾參選「2012香港小姐競選」,惟最後未能躋身決賽。(VCG)

點擊下圖觀看Cindy的Instagram靚相:

+6
+5
+4

港姐三甲早已內定?

在「楊斯雅 – 爆港姐黑幕?」一片裏面,Cindy便指自己認為無綫(TVB)舉行每屆港姐都會有自己的「心目中三甲人選」,但參選佳麗往往不知自己被內定,她更以自己參選一屆為例:「我同(冠軍)張名雅喺模特兒公司識。淘汰賽前夕,我同佢一齊坐旅遊巴,仲估緊邊一個會被淘汰,佢都擔心自己會唔會被淘汰。除非佢嘅演技去到視后級,如果唔係我都唔相信知道拎冠軍,更何況佢都唔需要做戲畀我睇。」她又指該屆季軍朱千雪參選時非常純樸,連化妝都不會,所以不會估到自己最後有份戴后冠:「如果我知道自己會入三甲,我會學咗化妝先。」

楊斯雅在片段開始部份「戴定頭盔」,指片中內容不代表事實之全部,亦純粹她的所見所聞和個人見解。(YouTube/@Cindy楊斯雅)

有背景並非大晒 最重要有觀眾緣

Cindy亦在片中指出候選佳麗家境富裕、有背景支持,不等於會最後會成為三甲:「湯洛雯叔叔(湯鎮業)都係演員,最後都唔見佢贏到。」但如果背景是TVB本身則另作別論:「不過,方丈(暗指TVB)眼光係點都唔一定代表你星途係點,始終都係要睇觀眾緣。」尾聲部份,Cindy又指自己聽聞過TVB有考慮腰斬港姐:「所以想選的話就心動不如行動。」

點擊下圖觀看短片精選畫面:

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。