【木棘証人】羅仲謙時隔三年回巢 最想和楊怡演敵對:偏偏唔信邪

撰文:葉詩
出版:更新:

無綫(TVB)新劇《木棘證人》周四(8日)舉行造型發布會,擔任男主角的羅仲謙是次飾演一名警察:「我以前飾演警察都係比較勇敢,今次就貼地啲。」時隔三年回巢拍劇,羅仲謙說其實這三年一直都有討論檔期的問題:「咁啱有呢個檔期,我聽到演員班底就好想合作,因為我未同韋家雄合作過,我好欣賞佢,秀文、文慈、Kelly(張曦雯)我都係第一次合作,覺得自己應該好好把握呢個機會。」

羅仲謙希望和未合作過的演員擦出新火花,予觀眾新的感覺。(陳志嵐攝)

《木棘證人》將會在本月中開機拍攝,最少也歷時三個月,羅仲謙認為在香港拍戲有一大好處:「喺呢三個月就可以陪下老婆(楊怡),老婆又可以陪我開工。(接下來會多在香港拍劇?)我梗係想,但下一轉要再傾一傾(檔期)。」問到在香港與內地拍劇有什麼不同,羅仲謙說自己在TVB拍戲若干年,所以有多些朋友,在工作上有多些樂趣。

羅仲謙稱這一次回巢最怕多了很多不認識的新朋友,回來後慶幸還有很多熟悉的臉孔。(陳志嵐攝)
+1

當記者問羅仲謙在TVB最想和哪個演員合作時,他就猝不及防地放了個閃光彈:「最想同楊怡合作!《On Call 36小時》嘅時候就拍下拖,結咗婚之後就未合作過,真係好想合作!最好就做敵對!」問到會否和公司說一下,羅仲謙就說:「佢哋話冇人想睇兩老婆拍電視劇,好奇怪。同埋啲人話兩公婆拍電視劇,多數都鬧交收場,我又偏偏唔信邪!」(為什麼反而想拍敵對?)「我諗冇人想睇恩愛掛,都頂你哋唔順啦!睇下咩題材啦,《我家有一隻河東獅》(2002年電影)就OK。」說畢就立刻向楊怡求饒,這只是一個玩笑。在香港拍劇三個月,羅仲謙又希望可以實行生小朋友的計劃,又希望是個女孩子。