【木棘証人】張曦雯搭檔羅仲謙感期待 希望呢位演員多啲嚟探班?

撰文:葉詩
出版:更新:

無綫新電視劇《木棘證人》周四(8日)舉行造型發佈,是次擔正做女主角的張曦雯(Kelly)飾演一位律師,與哥哥韋家雄從小相依為命,並透過哥哥認識了男主角羅仲謙。Kelly再次飾演專業人士,她直言:「我拍咁多套劇,差唔多每一次都係做專業人士,拍劇經驗唔係好多,今次已經第二次做律師,對白方面應該難唔到我。」(為什麼總是演專業人士?)「可能個樣行出嚟好似,本身個腦係空白,但行出嚟好似好Professional(專業)咁。」

張曦雯總是在電視劇中飾演專業人士,而飾演律師也已經是第二次。(陳志嵐攝)

張曦雯自問自己與角色並不相像:「角色都幾強勢、潑辣,鍾意鬧人、又好自傲,但又口硬心軟;但自己就唔係好識嗌交,一嗌交就會開始喊,有啲場口要同文慈嗌交,佢都驚我鬧唔返轉頭,所以我要返屋企練下鬧人!」Kelly坦言平時和男朋友相處也甚少吵架:「會傾囉,去到鬧個位已經係返唔到轉頭;我男朋友又係好平靜嘅人,所以好少鬧交。(男朋友會氹返你?)通常都係佢氹我。(有什麼行動去氹?)我通常瞓醒就會唔記得前一晚唔開心嘅嘢,所以通常我係自己冇嘢,所以佢嘅Job好Easy。」

張曦雯最期待拍攝期間可以見到楊怡。(陳志嵐攝)
+3

在電視劇《木棘證人》中,張曦雯搭檔羅仲謙演出:「我都好期待,好榮幸羅仲謙隔咗三年返嚟TVB,我又同佢有咁多對手戲。」說到對羅仲謙的印象,張曦雯說:「今日同佢交流覺得佢好Friendly、好多嘢講、好搞笑,其實我自己好期待見到楊怡,因為我好鍾意楊怡,我覺得佢係個好好嘅女演員,希望佢多啲嚟探班,可以認識到佢。」

你可能感興趣