【她她她的少女時代】林凱恩第一次挑戰重戲份:今次有啲突破演出

撰文:
最後更新日期:

無綫電視劇《她她她的少女時代》將於下星期一(19日)首播,周三(14日)舉行「My Gym Dream」宣傳活動,一眾演員均穿上運動服展示Sporty一面,在劇中飾演田蕊妮與曹永廉女兒的林凱恩(Iris)認為劇情很是貼地:「我飾演一個19歲嘅少女,為爸爸媽媽離婚而唔開心、去到大學好想脫離媽媽嘅制肘、又想嘗試下愛情嘅滋味,好似所有嘢都係自己經歷過咁。」

林凱恩不斷被劇組演員笑說有Baby Fat,但她自己並不是太介意。(陳順禎攝)

林凱恩在《她她她的少女時代》中戲份甚重,這也是她第一次肩負重責,在當中亦有不少突破:「平時做《愛回家之開心速遞》嘅Bonnie好少會著得少布,今次就有啲突破演出;同埋最開心係可以同好多前輩合作,個個都好錫我,好多嘢都好深刻。」當問到與眾多前輩合作會否感到壓力時,林凱恩就說:「佢哋都係好好嘅前輩,始終我都好緊張,好多場口我之前未試過咁多對白,或者係感情戲好重,佢哋都會慢慢教我點樣做好啲,感受到大家嘅愛,真係好似一家人。」

+8
+7
+6

林凱恩作為2015年香港小姐「友誼小姐」得主,亦分享了競選時的一些心得:「我覺得除咗平常心之外,最重要就係要笑,只要享受個過程,所有嘢都過得好快,因為呢段經歷係只得一次,冇乜人可以同妳去Share,除咗同妳一齊選嘅佳麗。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。