【她她她的少女時代】田蕊妮久違拍劇不陌生:都有廿幾年演戲經驗

撰文:
最後更新日期:

無綫電視劇《她她她的少女時代》將於下星期一(19日)首播,周三(14日)舉行「My Gym Dream」宣傳活動,一眾演員均穿上運動服展示Sporty一面,女主角田蕊妮在劇中飾演方迎風,她就說這個角色與她本人的性格大相徑庭:「方迎風十幾歲嘅時候就帶住家姐個女嫁畀曹永廉,然後佢嘅世界就只有家庭,但去到中年發現老公心裡面有第二個,於是離婚、失業、個女又離開,佢個世界就好似破滅咗;個故事就係講佢點樣喺個谷底搵返自己定位嘅勵志故事。」隨著故事發展,女主角變得越自強就與田蕊妮越來越像。

田蕊妮與曹永廉演夫妻,拍攝期間笑個不停,田蕊妮大讚對方在鏡頭後很是趣怪。(陳順禎攝)

田蕊妮繼2017年《誇世代》後時隔近兩年再度拍劇,她起初都怕不習慣:「之前我一直準備錄我嘅唱片,所以就暫停咗所有工作,出完唱片就投入電視劇拍攝。我最初都擔心自己會唔習慣,後尾開工又發覺唔係,發覺自己都有廿幾年演戲經驗,當開返工好快就進入到個狀態,都好享受。」

田蕊妮是日穿運動服仍不忘露出小蠻腰展示近來健身的成果。(陳順禎攝)

+5
+4
+3

田蕊妮的身材可說十分Fit,她就說:「最近就操得比較多,因為9月20號就係我嘅演唱會,所以一星期都去三、四日Gym,希望自己嘅身形同體能都會好啲,演唱會當日可以展示最好狀態。」在飲食方面也很是節制:「少油、少鹽、食啲健康餐!」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。