阮民安被指博見報 深夜發文指無懼失去內地市場:一定喺雞蛋呢邊

撰文:張嘉敏
出版:更新:

香港特區政府因為擬修訂《逃犯條例》而引起廣大市民不滿,引發了連串的「反修例運動」,包括大型遊行、示威和抗議行動等,更多次導致嚴重警民衝突,示威者向政府提出了五大訴求,不過特首至今一直沒有明確回應。

這段非常時期,藝人阮民安(Tommy)都有在facebook和IG上發聲表態,更多次參與遊行,拒絕做「鍵盤戰士」,立場鮮明。早前他又上載了用右遮眼的照片響應「Eye for Hong Kong」,抗議警察濫暴,導致一名少女疑被警察用布袋彈射爆眼。上周五(23/8)他也有現身旺角,參與「香港之路」,與市民一起在街上築起人鏈。

Tommy響應「Eye4HK」行動。(阮民安FB圖片)

深夜發千字長文反擊「抽水」指控 不怕失去內地市場

Tommy絕對是身體力行去支持這場抗爭,他甚至網紅太太Eva因此成為內地網民追擊目標,在微博上屢被留言攻擊,斥責他們是「港獨」的支持者,揚言要抵制他們。Tommy還被網民質疑他想借支持抗爭來博翻身博上位博見報提升人氣,指他不過是在抽水。周一晚(26/8)深夜,他就此於個人FB專頁發表千字長文,剖白自己的想法和感受,以〈我很窮,我愛人民幣,但我更愛香港〉為題,反擊上述指控,明言無懼遭受打壓以及失去內地市場,強調雞蛋與高牆,他一定是站在雞蛋那一方。

Tommy多次上街支持抗爭,上周五(23/8)更現身旺角參與「香港之路」運動,與市民一起築人鏈。(阮民安FB圖片)

〈我很窮,我愛人民幣,但我更愛香港〉原文如下:

呢個po會有點長,圖有點多,希望可以阻大家少少時間,認真睇曬佢!

由我開始俾大家關注到我支持今次呢個抗爭運動之後,大家都對我好好,但亦都有一個聲音就係:「佢梗係想靠呢次博翻身啦,佢都無野輸,有咩所謂,佢連搵大陸錢嘅資格都無呀!」

咁我覺得今次支持運動嘅重點,絕對唔會係放喺自己嘅感受呢個點度,所以我一路都無擺係心,繼續發聲,繼續每一刻都關注,身體力行支持!

直至琴日終於發生變化,就係突然間有大班大陸網民不停Cap我Facebook圖(可能呢篇文佢地都準備Cap,大家可以留言同佢地say個hi )去我老婆Eva嘅微博,話我地支持港獨,然後攻擊佢,攻擊我!

咁既然係咁,我不如就一次過喺度將我心底嘅想法,我預計嘅損失同大家分享一下!

自從2012年開始,我就已經擔任住Eva經理人嘅角色,喺幕後為佢打點一切!呢7年入面我地由兩個個體變成一家四口,一步一腳印,營營役役咁將我地嘅生意 利用網路平台擴展到世界唔同嘅地方,包括 日本、台灣、新加坡、馬來西亞、美國,當然唔少得中國大陸!

因為Eva喺微博有大概25萬人follow佢,加埋佢嘅Style ,所以喺大陸一路都有好多工作,而喺大陸,我地嘅工作範圍包括(想清楚ーD可以睇埋下面D相)幫唔同產品出po宣傳,幫國際品牌官方影宣傳相,Fashion Show,電視台嘉賓,拍綜藝節目,品牌聯乘等,只要我地繼續好好咁做,唔好講咁多野,淨係靠呢D Job已經夠我地一家四口過唔會太好但亦一定唔差嘅生活!

仲有一樣嘢要講就係:正正嚟緊嘅9月14號,我哋自己第一次投資,EVA嘅自家品牌就會喺東京Laforet正式發佈,之後就會全世界發行,而最大嘅入貨地區一定喺大陸,而我地喺大陸處理品牌發行嘅負責人,係一個大陸最大嘅時裝公司高層(佢公司係帶頭將Undercover全國下架),我地喺大陸嘅Backup其實好好!

而因為我上年開始做返好多幕前工作,佢已經話要幫我安排上大陸嘅綜藝節目,發展下,賺下錢!但就唔好喺件事上面表任何態啦,以一個大家認為想翻身嘅我,理應乖乖收聲,甚至表態愛國!

但6月9號之後,見到香港人嘅團結,我已經忍唔住去開始公開表態支持(因為從來都係支持),之後612、71、721等事件,直到今日呢個狀態,您地估下我知唔知道高調發聲後將會損失D咩?

我可能會失去一個龐大嘅大陸市場。咁點解我要咁做?可能係蠢...但其實,係良知!香港依家發生咁大件不公平不公義嘅事,要我為左賺錢而選擇扮不見不聞,甚至跪低表態愛國,支持警察打香港人,做什麼護旗手,對唔住,我做唔到!

當然對比起每一個手足受傷、犧牲、被捕,都係嗰句,我呢D損失,算得咩!

我依然相信,香港地靠我哋自己都一定可以撐得翻起自己,點解一定要靠大陸我地先搵到食,先做到生意,先搵到錢?我唔認為係咁!

雞蛋與高牆,我一定喺雞蛋呢邊!!!香港人加油!共勉之

Tommy的網紅太太Eva亦被內地網民留言攻擊和抵制。(IG@eva_pinkland圖片)

點暫擊下圖逐格睇Tommy於FB poat嘅內地網民攻擊言論:

+6

以下仲有Tommy嘅fb post以及佢同佢太太Eva嘅相:

+10