【解決師】馮盈盈初次挑戰激情戲:由浴室開花灑濕身到上埋張床

撰文:
最後更新日期:

馮盈盈(Crystal)周四(3日)出席無綫台慶劇《解決師》記者會,談到在劇中飾演警察兼張頴康的下屬,並跟着他查案和出任務,她又急着澄清:「我個角色名叫ACE,皇牌嘅意思,而絕對唔係愛滋病嘅AIDS!」因為角色要運用跆拳道,所以盈盈也特意在拍攝前去上了功夫課與跆拳道課:「希望可以應付到,點知原來去到後期主要係我俾人打、俾人撻,呢樣反而冇練到!」

馮盈盈拍攝前有事先看經典警匪片做功課。(葉志明攝)

馮盈盈又對在道館拍攝的其中一場戲尤為深刻:「嗰場因為劇情需要當時係心散嘅狀態,所以係咁俾人撻!當時要拍撻落地痛苦表情嘅Close-up,平時啲情感戲可能唔係咁足,但嗰幾吓好迫真、好真實!」問到會否比較想拍打人的戲份:「我都係會想俾人毒打得好慘嘅,可能現實中冇呢啲機會。大家可能覺得我多嘢講、強勢啲,成日話我食住寶寶(男朋友),其實冇啲咁嘅事,都想呈現返自己係比較弱勢、俾人欺凌嘅一面。」

+9
+8
+7

馮盈盈拍攝《解決師》難忘與張頴康的激情戲:「自己覺得比較大膽、大尺度嘅場口,大家都覺得我講嘢比較大膽,但拍攝激啲嘅場面今次都係第一次,《白色強人》就獻上熒幕初吻,《解決師》就有激情戲。激情場面係由浴室、走到入淋浴間開花灑濕身、再出返房、然後再上埋張床,淨係呢幾個層次嘅轉換已經係新嘗試。」馮盈盈亦事先跟男友報備:「拎到劇本都有畀佢睇,嗰日佢仲親自車我去拍,我諗佢都開始理解;我都感謝佢體諒,播出嘅時候我會喺隔離輔導、陪住佢睇。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。