男友鼓勵網上多派「福利」 馮盈盈:我貼性感相係意義

撰文:
最後更新日期:

馮盈盈(Crystal)周二(1日)出席myTV SUPER 18台開台滿月慶祝儀式,談到最近三個月開始與穩定交往的男朋友「寶寶」同居,生活上有不少習慣也正在磨合中:「例如作息時間,寶寶返朝九晚六,但我哋Artist就唔定時,所以我都培養咗夜瞓嘅習慣,所以要互相體諒。」家務上二人亦有分工:「我哋Set左啲Rules逢星期幾係邊個負責,但現實係全部都係佢做。」有見及此,盈盈就說要煮飯多謝男友:「例如煮餐飯佢食,煮啲佢鍾意食嘅嘢,雖然都係佢洗碗。」

馮盈盈平日下廚中西餐都會煮,但覺得簡單的中式小菜更有家的感覺,所以接下來自己會多鑽研一些家常小菜。(陳順禎攝)

既然二人選擇了同居,問到是否好事將近,馮盈盈便否認:「短期內都唔會結婚,大家都好肯定有共識,同居時間尚短,我哋仲需要啲時間去磨合。財政方面都好緊要,我哋希望努力工作,儲多啲錢先結婚。」馮盈盈笑說自己對結婚有很多Fantasy,想拍七輯婚紗相加微電影:「希望取景最少去七個地方:巴黎、意大利、馬爾代夫、希臘、北極光都要拍齊,製作好龐大,所以要籌備多啲資源先做到。」

馮盈盈最近在IG貼出自己努力鍛鍊身材的照片,可謂十分吸睛,引來江嘉敏和劉佩玥分別爭做攝影師和燈光師。(Instagram/@crystalfyy)

問在社交媒體貼性感照片是否需要事先得到男朋友同意?馮盈盈就說男朋友每次都是在IG看到才得知,而男友的反應都是:「嘩!張相幾好睇喎,你幾時影㗎?」又對馮盈盈的身材表示讚賞;馮盈盈又自誇:「係有線可以睇!腹肌嘅線條,有少少成績畀大家見到。」此舉亦激勵了男友多去健身:「(男友)身材好咗、多咗胸肌、手臂粗壯咗、仲有啲人魚線!大家做完Gym返屋企,就會對住全身鏡擺Pose檢視健身嘅成果,係幾好嘅互相鼓勵方法。」

馮盈盈說在男朋友沒有肌肉的時候,她是說不喜歡肌肉型男的。(陳順禎攝)

馮盈盈談到男朋友有時反而會鼓勵她貼性感泳衣的照片,男友說:「你近排都冇乜派福利同軍糧,會唔會考慮出返啲福利圖?」馮盈盈則為自己辯護:「我Po相唔係為咗呃Like或者取悅人哋,係真係有意義!」同時她又對男朋友不會監管她的態度表示欣賞。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。