何超盈宣布婚禮押後兩年 由葡萄牙古堡搬去大英博物館舉行

撰文:洪曉璇
出版:更新:
超盈大肚時擔任姐妹團,不久將來就到佢自己披嫁衣啦。(資料圖片)

唔少女士夢寐以求擁有一個古堡婚禮,著住超長拖尾婚紗好似公主一樣出嫁,不過賭王千金何超盈就取消原定嘅古堡婚禮,更為咗另一個更特別嘅地方,將婚期押後兩年﹗

何超盈同未婚夫辛奇隆(Thomas),6月已經舉行過大禮儀式。(微博:@何猷君MarioHo)

何超盈囡囡荷包蛋首曝光 改名Audrey Rose源自柯德莉夏萍

何超盈8月剖腹誕下囡囡「荷包蛋」Audrey,之後一直未有露面。佢同未婚夫辛奇隆(Thomas)原定於明年9月,到葡萄牙古堡舉行婚禮,但最近傳出將會押後,地點更由葡萄牙改到英國大英博物館。

四太透露荷包蛋依家已經超過十磅重,暫未決定會唔會擺百日宴。(IG圖片)

原來超盈係大英博物館贊助理事之一,與博物館關係密切,婚禮時更會以荷包蛋名義,同博物館合作一個大型計劃。超盈仲話婚禮延期,係希望到時囡囡識行,可以擔任爸爸媽媽嘅花女。

超盈婚禮將改到大英博物館舉行。(大英博物館官方網站)

大英博物館係位倫敦嘅綜合博物館,成立於1753年,目前博物館擁有800多萬件展品,係世界上規模最大、最著名嘅博物館之一。原來博物館亦會外借舉行活動,好似9月中舉行咗2020年春夏倫敦時裝周。

成立於1753年嘅大英博物館,係世界上規模最大、最著名嘅博物館之一。(視覺中國)
大英博物館有時都會外借舉行活動,好似九月初舉行2020年春夏時裝周。(視覺中國)

睇返博物館官方網站,有8個場地都適合舉行活動或婚禮,好似Great Court宴會可容納400人,另外Egyptian Sculpture Gallery可容納250人宴會,官網照片可以睇到,場地空間感十足,配以大型婚禮佈置,奢華同藝術氣息並重,相信超盈到時嘅世紀婚禮一定轟動全球。

Great Court係最大嘅活動場地,舉行宴會可容納400人。(大英博物館官方網站)
Egyptian Sculpture Gallery亦相當適合舉行婚禮。(大英博物館官方網站)
+3
你可能感興趣