吳業坤豬腩肉迎戰猛男 努力操肌望脫毒
撰文：張浩恩
出版：更新：
吳業坤與一眾肌肉男合照，大家搵到坤哥喺邊嗎？（Instagram圖片）
歌手吳業坤（坤哥）上星期才剛完成首次紅館個唱，便已經為自己訂下2017年的目標，就是練成六嚿腹肌。不過向來走偽毒路線的坤哥，為什麼突然想走肌男路線呢？原來是因為跟一班肌肉猛男合照後受到刺激。
坤哥其實在演唱會前都有努力健身㗎，不過睇佢表情，似乎想下年練成腹肌都要再加把勁！（Instagram圖片）
坤哥在Instagram上寫明2017年會練成六嚿腹肌，有相為證，一齊等睇坤哥做找數真漢子。（Instagram圖片）
坤哥在Instagram上載自己與一眾猛男的合照，相中位位猛男都拉高上衣，大曬自己的完美six pack（六嚿腹肌），偏偏坤哥只有一塊豬腩肉仔可以展示，不過坤哥正確示範了何謂知恥近乎勇，留言表示：「唔睇樣真係分唔到邊個係我。」更承諾2017年就會練成六嚿腹肌，並在下次的個唱中展示成果！
這是2016年的坤哥，身形比較瘦削，唔知變大隻的坤哥又係咩樣呢？（Instagram圖片）