【牛下女高音】吳岱融半億身家移居馬國 ：唔洗賺多最緊要賺夠！
撰文：黃欣華
出版：更新：
吳岱融與龔慈恩、蔣志光、歐瑞偉和張振朗等演員齊齊為他們主演的台慶劇《牛下女高音》造勢，融哥更在現場情深款款演繹插曲《你比我重要》，贏盡全場掌聲。
由於劇集以小學男合唱團作為背景，所以劇中會利用不少跨世紀的經典歌曲貫穿不同劇情。原來唱得之人融哥早年於新加坡生活時曾於軍隊民工團演出，更同時任歌廳業餘歌手賺錢，他稱：「嗰陣十八、九歲乜嘢都好奇，唱唱吓返新加坡當兵又係入民工團又要我唱歌，嗰陣都有搵一啲聲樂嘅老師教我唱，如是者就有Keep住唱，自己都鍾意。」而今次融哥能夠與一班中佬邊拍劇邊唱歌，又有機會為劇集唱插歌，他都表示相當滿足。
聽融哥唱live真係冇得頂！（梁碧玲攝）
提到融哥與太太最近移居馬來西亞檳城，租住一個面積4,000多呎的臨海別墅，問到會否不捨香港觀眾時，他表示：「其實近年基本上唔洗開工都走嚟走去，香港都仲有屋喺度，所以絕對係一開工就返嚟住。（有傳你半億身家，係咪都賺夠？）我好鍾意韋家雄之前講嗰句說話，唔洗要賺多最緊要賺夠。因為呢個年紀，都要平衡，趁自己會行會走做多啲鍾意嘅嘢。」
融哥話最緊要享受生活。（梁碧玲攝）