蔣家旻偏愛港男拒嫁到世界邊端:想搵返個同聲同氣嘅人

撰文:
最後更新日期:

無綫綜藝節目《嫁到這世界邊端3》周五(18日)舉行記者會,蔣家旻透露自己曾與日籍男友交往,皆因二人之間有共同朋友,男方主動追求她:「拍拖之前我都唔係好想揀日本人,因為睇日劇都知大家嘅文化可能唔同。」

蔣家旻在看《嫁到這世界邊端3》預告片時感到落淚,只因她認為純粹的愛情難能可貴。(葉志明攝)

蔣家旻談起過往的這段戀情似是有點不忿:「雖然唔係遠距離戀愛,但我哋就拍到好似Long-D(istance)!」只因二人不常見面之餘、亦疏於溝通:「成日冇得見都會唔開心,有時我唔係好忙就想見對方,但對方明明有時間又唔會主動約你,半個月甚至一個月先見一次,佢又唔係好打電話同Send Message,就冇辦法同對方分享,覺得自己好似單身!」

+2

問到與香港男生及日本男生談戀愛感覺有什麼不同,蔣家旻就大讚香港男生:「我自己覺得香港男仔溫柔體貼啲,因為會識得關心女朋友,凍又會提我着多件衫,日本男仔就少啲,可能咁啱我遇到嗰個偏向冷漠啲。」所以蔣家旻接下來還是希望與香港男生拍拖:「無論係生活上、工作上、社會時事都溝通到,如果為將來打算都想搵返個同聲同氣嘅人!我諗外國人都唔係好啱我,我會想搵返香港男仔多啲!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。