陸詩韻經營網購美容產品 化身「羅拉」親自送貨：可慳唔少運費
撰文：吳子生
出版：更新：
Sharon自言喜歡飲紅酒，透露曾飲過價值超過十萬元的紅酒，覺得味道相當可口。（陳順禎攝）
陸詩韻（Sharon）昨晚（25/10）盛裝出席在金鐘舉行的慈善晚會。提到香港最近受到中美貿易戰及反修例風波影響經濟放緩，在網上經營美容生意的Sharon來講，或多或少受到影響，她直言說：「其實我係主要做網上生意，但亦有做批發畀一啲零售商，的而且確條街上係少咗好多人行，而且返貨速度係慢咗，但調返轉頭網上嘅生意又多咗好多，因為好多朋友都轉做網上買嘢，咁所以未算影響太大。」
Sharon經營網上美容產品，生意愈做愈大。（陳順禎攝）
此外，Sharon認為如果香港經濟持續轉差，各行各業必定會受到影響：「咁所以公司有相應措施安排，例如員工可以放假就安排放假，希望公司上下都可以共渡時艱，盡量保留返大家嘅工作嘅崗位喺度，自己都會親自揸車送貨，住喺元朗嘅居民都見過我親自送貨，其實咁樣都慳唔少運費。」
Sharon透露自己會親自揸車，將客戶訂購的美容產品送到府上。（陳順禎攝）