陳山聰找到合襯另一半 郭政鴻感動到喊:佢成個人變咗好多!

撰文:葉詩
出版:更新:

陳山聰周五(1日)與拍拖五年的圈外女友何麗萍(Apple)舉行婚禮,與陳山聰稱兄道弟的郭政鴻當然不能缺席,早前山聰夫婦亦更向郭政鴻斟茶,原來郭政鴻之前也不知情:「我都臨時臨急先知,好驚喜,最尾嘅時候突然之間叫我出嚟飲杯茶,好感動。」郭政鴻樂見陳山聰進入另一個階段、找到合襯的另一半:「成個人變咗好多,好踏實,處事亦都成熟咗好多,好替佢開心!」

郭政鴻帶同兩位女兒出席好兄弟陳山聰的婚禮。(陳志嵐攝)

郭政鴻憶起十多、二十年前透過舞獅認識:「我同佢從細到大都鍾意傳統嘅舞獅,亦都係由舞獅建立起呢份感情。」談起這段兄弟情,他說彼此性格相似,較為內斂:「我同佢唔係好多說話,反而好多嘢盡在不言中,一個眼神已經知大家諗乜嘢。」郭政鴻提起自己遇到困難時,陳山聰義不容辭就找到方案幫他處理:「我冇諗到佢可以諗得咁周全,當我好迷惘嘅時候,佢已經建議我咁樣做。」郭政鴻又稱讚陳山聰很細心兼感情豐富:「原來佢咁易喊!今日俾佢搞到我都喊埋!」

郭政鴻祝福陳山聰家庭幸福美滿、早生貴子、事業上亦能飛得更高更遠:「快啲攞視帝!」(陳志嵐攝)

郭政鴻又向陳山聰分享了婚姻之道:「好好錫老婆!」簽紙的時候,郭政鴻對陳山聰說:「簽咗張紙,就自動過戶㗎喇,有幾多就過幾多,然後老婆就俾返少少零用錢你。」於是郭政鴻勉勵陳山聰:「返工繼續努力做嘢喇!」

發表評論...