《學是學非》播完梁嘉琪唔見影被傳雪藏：我個人仲喺度唔好嚇我
撰文：吳子生
出版：更新：
陳倩揚與梁嘉琪今日以活動大使身份出席在尖沙咀舉街的「夢飛行2019」台灣飛行之旅記者會。
陳倩揚與梁嘉琪今日（4/11）以活動大使身份出席在尖沙咀舉街的「夢飛行2019」台灣飛行之旅記者會。二人繼上年攜手帶領一眾基層家庭殘疾兒童首次體驗飛行感覺飛越台灣，今年亦不例外，再次共同創造一個充滿愛的夢想飛行之旅。倩揚表示：「上年大仔都有與我同行，佢都感受好深，返到港之後，佢都叫同學仔如果見到啲殘疾兒童嘅時候，千其唔好有色眼鏡去睇佢哋，因為佢哋個心同平常人一樣咁健康。」
嘉琪表示近來忙拍網上節目，又接拍廣告工作十分忙碌。（劉智源攝）
自從梁嘉琪沒有擔任無綫綜藝節目《學是學非》主持之後，好似消失得無影無蹤，有網民懷疑她是否因政見立場不同，而被無綫雪藏。嘉琪直言：「我個人仲喺度，唔好嚇我，早前《學是學非》係停咗，其實大家都可以睇下我其他嘅工作，呢排經常走圍飛，又拍一啲網上旅遊節目，又拍下廣告，遲啲飲食節目同泰國旅行節目會喺無綫度播，我同無綫合約仲未約滿，咁所以大家可放心，仲可以見到我。」