人妻岑麗香11月尾復出拍劇：有好多感受
撰文：吳子生
出版：更新：
岑麗香（香香）今日（7/11）以嘉賓身份現身銅鑼灣出席著名珠寶品牌活動，並戴上華麗奪目名貴鑽飾，盡顯女性個人獨特韻味。香香笑言：「一陣間揀番啲珠寶鑽飾後，由老公佢負責畀錢，唔知佢得唔得呢？我諗如果揀啲情侶款式嘅鑽飾，佢應該冇咁嬲嘅，哈哈！」
香香透露11月尾會復出拍劇。（梁碧玲攝）
香香自從今年3月誕下兒子Jacob榮升媽咪之後，便全職相夫教子。但香香透露今個月尾將復出拍劇：「宜家我有好多感受，因為可以做返自己鍾意嘅嘢，但同時間又會好緊張，因為可能要捱長時間工作，又要從新學習背讀劇本同演戲，其實真係好期待，不過我知我有好多功課要做。」