蘇玉華自覺欠公民意識 應多關心下一代:未來日子係屬於佢哋

撰文:
最後更新日期:

蘇玉華日前接受港台節目《瘋Show快活人》訪問時,除了透露人生最痛苦的階段是剛加入大台時,亦表示很享受現時的生活,因為沒有太多的負擔,但另一方面,她卻指自己成長過程中,一直只顧想辦法去提升自己,因而欠缺了公民的意識。

蘇玉華於節目中,表示滿意現在的生活。

「我覺得而家嘅社會狀態,除非你唔理,但都無得避,否則你一定會不斷去問自己問題,同埋希望去知多啲,喺呢個過程裏面,會覺得年青人教曉咗我好多嘢,如果你想講『覺醒』呢兩個字,我真係覺得『覺醒』,我唔敢講自己而家知得好多或者了解好多嘢,但起碼我自己醒咗,原來我有啲嘢係咁忽略!我覺得我係有咁多嘢值得我去學、去思考、去關心。」

對於連月來的社會運動,蘇玉華要求自己唔好跌入一個洞咩都唔理。

蘇玉華表示在「覺醒」過程中,感到自己跟香港以及香港人應該要有更強的連結:「唔係淨係做好自己嘅嘢、或者令自己變成一個更加好嘅人咁簡單,因為通過嗰個過程,當你投入、當你關心嘅時候,你係會畀到一啲力量出嚟,大家係會走埋一齊做啲更加美好嘅事。我自己不斷學習,要求自己唔好跌入一個洞咩都唔理、咩都由得佢,因為係唔可以咁。」

蘇玉華接受港台節目訪問,表示因香港年青人而「覺醒」。

她繼說:「因為社會係不斷向前行緊,而我係應該同社會一齊行,而我哋除咗關心自己之外,更加應該關心下一代,因為未來日子係屬於佢哋,有個信念要做好啲。我成日都覺得點解有啲人搵我做戲,我唔係一定會接,因為我會諗究竟係咪一定要我做?係咪會有人更加適合做?如果係嘅話,我情願畀人哋去做,因為係要接班㗎,係要接力㗎,係有啲人要上嚟㗎,我覺得我哋應該關注下一代多啲。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。