韋家雄為拍《木棘証人》連踩60個鐘Roll機都瞓着:我冇得選擇!

撰文:
最後更新日期:

韋家雄多年來一直默默耕耘,雖然大多數只是演「綠葉」,但憑住精湛的演技,獲得不少觀眾讚賞!日前,他受邀到商台節目《1圈圈》接受阮兆祥和樂樂的訪問,期間大爆入行30年的辛酸史!

現年54歲的韋家雄不經不覺已經入行30年,演過逾百套劇集。被祥仔問到新婚生活時,他就直言:「我已經忙到冇時間留意佢,啱啱拍完嗰部劇我又再重現返60個鐘頭冇得瞓,瞓4個鐘頭再60個鐘頭冇得瞓。(邊部呀?)《木棘証人》。(你年紀同我差唔多咋喎,做咩事咁博?)我冇得唔博,我冇得選擇。我都問點解你要我咁博,係咪想我第一個俾Rundown殺死?(證明你戲份重?)都唔係,有時唔重都好長㗎啲時間,公司嗰啲通告一殺埋嚟就避都冇得避。」

韋家雄接受電台訪問!(網上截圖)

咪以為拍得好開心!(IG/@tong_chun_ming)

韋家雄更直言拍劇就有心理準備捱夜,但甚少如此誇張:「平時最多咪一、兩日,但成個禮拜都連續係咁。我都好耐未試過,Roll緊機都瞓着覺。(咁大件事?)其實演員喺度做緊,我就……(瞓着)。你得兩句,要等前面講晒,到你講你已經瞓着咗,仲要係(拍)同馬海倫捉棋。」

其實拍得好辛苦!(陳志嵐攝)

點撃下圖睇更多新劇花絮!

+4
+3
+2

至於被問到有沒有受過冷言冷語,韋家雄直認:「呢個圈咩人都有,必定有經歷過。有啲你同佢打招呼,佢唔應你。初期都會唔開心。(可能冇驗眼。)係囉,有啲人可能有眼疾。我經歷過喺𨋢入面同人講早晨,佢冇反應,感覺上係你叫我做咩呀?嗰個監製嚟。(咁咪好尷尬?)好尷尬呀,佢仲同隔籬嗰個打招呼。」韋家雄更表示會繼續做落去和享受每部作品的製作過程。

韋家雄都話受過不少冷眼!(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。