孫慧雪變孫露雪 被盜相賣美乳霜:偷圖仲要改埋名

撰文:
最後更新日期:

孫慧雪身材一向出眾,亦不時於網上同大家分享心得(IG@snow711)

藝人經常拍廣告做代言人,好多時都會試過用過先介紹產品服務,但有啲不法商人睇準明星效應,盜用相片為商品賣廣告。孫慧雪呢日都中招,於個人社交網留言:「我完全無用過!」佢接受《香港01》訪問時更表示:「其實已經唔係第一次。」

阿雪無端端「被代言」兼改名,相當無奈(Facebook:@Snow Suen 孫慧雪)

阿雪上載一張對話截圖,有人傳咗一張佢嘅自拍照,寫住「網紅孫露雪在IG上對這款美乳霜讚不絕口」。阿雪接受《香港01》訪問時表示:「平時我自己賣廣告或介紹過嘅產品,都有網友inbox問我好唔好用,今次又係有人問我係咪用過所以發現被盜用,擔心有人被騙所以公開寫出嚟俾大家知。」對於有網友話改名「孫露雪」改得幾有心思,仲笑言只係認錯人其實係波得野雪雪,阿雪就話:「名都改埋真係好搞笑,一係就用返我全名,但又cap返我IG,真係好有創意得啖笑。」

阿雪話自己唔會採取法律行動啦,可能電郵聯絡返要求下架,好似今次咁聯絡唔到,就唯有發現就盡量用自己官方社交媒體話俾粉絲知。(IG:@snow711)

原來今次並非阿雪第一次被盜用相片賣廣告:「其實之前都試過同類型事件,美容護膚都有,聽到我一頭霧水,有次連婚紗攝影都有﹗咁啱有朋友幫襯,個攝影師大大聲話幫我影婚紗相,仲同我好熟,好在朋友問返我先無受騙。」阿雪坦言呢啲事真係好難避免,下載張相加啲字就得,都明白佢地小本經營,只能希望大家都誠實啲,今時今日呃人真係好易被揭發。

阿雪嘅婚紗照好多人大讚靚,但原來有其他攝影師對外冒稱幫佢影相。(IG@snow711)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。