【解決師】溫家偉嘆在TVB十年拍劇機會少:下下都做啲細角色

撰文:
最後更新日期:

TVB台慶劇《解決師》演員陣容強勁,除了主角之外,當中有不少配角都表現亮眼。在劇中飾演二世祖Ben少的「大隻仔」溫家偉,雖然在上個月底宣布與TVB正式滿約,結束十年賓主關係,但依然有不少觀眾留意到他的演出。溫家偉離巢後簽約新加坡經理人公司,一連拍攝了幾套當地的劇集,更在劇中擔正做男主角,收入比以前大大增加!

溫家偉在劇集《解決師》中飾演二世祖Ben少,同楊柳青有不少對手戲。(IG@awansauce)

離開效力十年的公司,溫家偉在接受《香港01》訪問時坦言有不捨,但因為雙方未能達成共識,所以最後下定決心離開:「始終都傾唔成,其實我喺TVB呢十年係冇底薪嘅,我係靠做節目、做主持呢啲先至可以捱得過,所以有啲時間真係唔穩陣,如果你有底薪冇工開都好啲,但起碼你會有錢交租、食飯,但好多時我真係唔知我得唔得。同公司傾到錢嘅問題真係傾唔成,但我同自己講唔可以算數,繼續同佢哋簽,同佢哋合作。我嚟緊都33歲,我都要有一份Stable(穩定)嘅工作,我見唔到將來有咩變化,所以都係決定行唔同嘅路。」

溫家偉上月底在IG貼出一張與TVBuddy和大明猩「銅像」的合照,正式宣布離開TVB。(IG@awansauce)

溫家偉在TVB十年來Keep住主持飲食節目,但在過往參與的劇集中戲份都不多,不過他始終希望做一位演員:「當然做主持我都好開心,有大隻仔呢個名我都好幸福,但我入TVB都係想拍多啲劇,下下都做啲細角色,好難可以進步。呢十年冇一個角色特別出色,但都要多謝監製畀機會我,如果話計有Storyline、愛情線,咁多年嚟只有一套,就係《衝線》。」

溫家偉回顧過往十年未能有一個特別出色的角色,《衝線》算是他戲份較多的一次。(電視截圖)

溫家偉與羅天宇都是香港先生出身。(IG@awansauce)

2017年溫家偉獲邀到新加坡拍攝一套校園劇《Faculty》,在劇中擔任第二男主角,這也成為一個轉折點:「打開咗另外一個市場,呢套劇之後都有新加坡嘅公司搵我繼續拍劇,不過當時都冇諗住即刻過去,想睇定啲。但用英文拍劇係兩回事,做少好多功課。我用廣東話拍劇係一件好辛苦嘅事,因為我唔係好識睇中文,收到劇本之後我需要一個人讀出嚟畀我,之後我手寫晒所有拼音再記,記完再拍劇,但好多時係『飛紙仔』,搞到我壓力好大,要即刻打畀經理人。」

溫家偉簽約新加坡經理人公司,拍攝了劇集《Last Madame》,更打破收視紀錄。(IG@awansauce)

離巢後溫家偉由香港搬到新加坡發展,並與當地經理人公司簽約,拍攝了英語劇集《Last Madame》,更打破收視紀錄,收入亦大大增加:「收入一定係多咗,數字唔係咁方便講出嚟。(有冇6位數?)咁有嘅,不過做男主角一定發揮機會多好多,好唔一樣。」除了拍劇之外,溫家偉亦有開設YouTube頻道,分享自己飲飲食食的影片,希望抓緊每個機會,發展得更好!

溫家偉坦言到新加坡發展後收入增加不少。(IG@awansauce)

點擊下圖睇溫家偉更多型格相:

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。