鄭希怡囡囡連環腳踩扁媽咪 至萌「梁浸浸」着終極潮鞋
撰文：湯紫媚
出版：更新：
鄭希怡（Yumiko）寶貝囡囡梁浸浸化身「功夫BB」，使出失傳多時的「佛山無影腳」，先踩上Yumiko心口，再亳不留力再踩落其臉上。(Instagram圖片)
梁浸浸獲契媽鍾欣潼送上近日被譽為「潮B終極神鞋」，售價 $1200的Baby Yeezy，認真幸福！(Instagram圖片)
鄭希怡（Yumiko）寶貝囡囡「梁浸浸」梁子柔，眼仔碌碌，加上天生鬈髮，笑起上來非常可愛，因此深受網民歡迎及喜愛，而Yumiko不時都會在Instagram上載囡囡的生活照。
今日（29日）下午，Yumiko上載了一段短片，在片中，原本Yumiko只想抱高囡囡，豈料梁浸浸突然使出失傳多時的「佛山無影腳」，先踩上Yumiko心口，再亳不留力再踩落其臉上，對於慘被穿上波鞋的囡囡，在無預兆之下「突襲」，Yumiko仍笑笑口抱實梁浸浸，一副慈母樣子！Yumiko更留言指梁浸浸是「功夫BB」：「可憐天下父母心，諗住舉高d（啲）妳啫，點知妳真係踩落黎（嚟），好彩係新鞋，塊面扁咗，第時記得孝順父母」
鍾欣潼笑言要梁浸浸記住要孝順父母和契媽們，仲話契媽錫晒你添！(Instagram圖片)
另外，Yumiko又在梁浸浸的個人Instagram中，以囡囡的身份，特意多謝契媽鍾欣潼：「多謝契媽（鍾欣潼）送比（畀）我的新鞋。」而鍾欣潼亦立即回應謂：「鄭希怡，我對你唔住，我完全冇諗過會發生啲咁嘅事，梁浸浸要孝順父母和契媽們呀，契媽錫晒你」
據知，梁浸浸在片中穿上的波鞋，是近日被譽為「潮B終極神鞋」，由adidas Originals及Kanye West合作推出的YEEZY Boost 350 Infant童裝鞋款系列，這雙 Baby Yeezy售價 $1200，網上炒價高至＄3000，對於一對童裝鞋而言，定價算是頗高，梁浸浸認真幸福！