【好尷尬又要死撐】黃建東突破心理關口 《為食神探》肉緊咀楊明
撰文：溫菁莉
出版：更新：
為了這場咀戲，黃建東表示當時同楊明商量好耐。
前港男黃建東近日接受演技大挑戰，於劇集《為食神探》飾演一個男同志，更與楊明有肉緊咀對咀場面：「第一次拍劇飾演男同志同埋有男男接吻場面，要突破很大的心理關口。記得當初同楊明討論會係借位定係堅咀，大家都覺得係劇情需要同埋係時候要為藝術犧牲，所以決定真咀，希望令觀眾留下深刻印象。」他表示拍攝時現場工作人員嘩聲四起，拍攝接吻鏡頭更要NG好多次：「原來拍錫戲NG係一件好辛苦的事，內心好尷尬但係又要死撐，因為我個角色又狼死又鹹濕。」
兩人老友鬼鬼，擁抱在一齊。
至於問到他會否怕被定型做這類型的角色：「其實冇得怕，因為自己讀戲劇出身好鍾意演戲，同埋觀眾仲未記得我個名，好希望觀眾可以記得TVB有個演員好豁得出去叫黃建東。」他慶幸本身同楊明熟諗，又成日孖住做gym，所以大家都好順利完成場口：「楊明是我圈中其中一個很好的朋友，有唔開心都會搵佢傾訴，他很照顧身邊的人。」不過黃建東笑言希望莊思明冇睇到呢場戲，覺得對佢唔住好驚激嬲阿嫂。(想唔想佢快點結婚？)我覺得唔使催佢，因為他們成日都好冤氣，唔講仲以為他們已經拉埋天窗。」
兩人成日孖住做gym。