全港搶購口罩防不明肺炎 蔣怡懶理拒幫家中小孩戴口罩

撰文:賴家杰
出版:更新:

最近武漢爆發不明肺炎個案,香港更有市民武漢旅遊完回港患上不明肺炎,令全港市民衛生意識急提升。家中有小朋友更害怕自己孩子這段時間患病,勒令小孩不要亂摸東西,而藝人蔣怡(Coco)也非常擔心家中兩名小孩,她說:「最近都多啲提佢哋洗多啲手,唔好周圍摸,唔好擺隻手入口,除此之外我都煲多啲湯水同整多啲生果俾佢哋食,令佢哋增加多少少體抗力。」

Coco笑言家中早午晚餐是由她負責,不會交由其他人煮。(梁碧玲攝)

Coco廚藝了得眾所周知,為了令小朋友更加健康她也會準備健康餐單,「健康飲食對唔同人定義唔同,對我嚟講唔一定要超級低脂低糖。我呢一定要最新鮮材料,熱里控制得到就係健康飲食。所以我喺屋企食嘢全部都係我煮,咁我啲小朋友好鍾意食日式碟頭飯,咁我會煮親子丼、牛肉丼呢類,當然都會有煮中菜或西式。」

Coco透露會叫家中兩名孩子讚她煮飯好食。(梁碧玲攝)

另外現在亦有搶購口罩熱潮防病菌,更有藥房將口罩價格提升多倍。其實市面上口罩有分很多種,唔同類型有不同功能,而Coco直言完全不了解,她說:「我好少幫佢哋戴口罩,首先我覺得小朋友會戴戴下又除又唔知塞咗去邊。我屋企係有口罩,但我唔會日日強迫佢哋戴,我覺得最緊要係抵抗力同習慣,因為有時我覺得口罩帶耐咗仲污糟過本身唔戴。」