【萬千星輝2019】劉江驚爆離開TVB:唔好問,我唔可以話點解

撰文:
最後更新日期:

《萬千星輝頒獎典禮2019》今日舉辦,劉江劉老師憑《金宵大廈》入圍「最佳男配角」候選名單,所以今日也有出席盛會,但在接受《香港01》訪問時,卻驚爆離巢消息。

劉江劉老師在接受《香港01》訪問時說:「我已經冇簽TVB,唔好問點解,因為我喺度30幾年,我唔可以話點解。」

劉江今日與李家鼎行紅地毯。(資料圖片)

其實早前劉老師已經講過,會慢慢減少工作直至不再做,他今日指:「我性格唔會退休,有都係會做,因為條癮都喺度,呢段火熄咗就係咁先。好多人勸我唔好唔做,我都累要休息,有好嘢就話我聽。」

他續指:「成日喺TVB,其實喺呢個世界,我都唔知出面點樣,我以為自己好掂,出到去原本唔掂嘅,一山還有一山高,曾經以為自己係山巔,原來係山腰。」

男配角競爭比較激烈,因為並沒有一位特別突出,本應跑出的李天翔卻已於今年離巢,相信獎項難以有份。劉江老師隨時成為本次的黑馬,演技無需質疑,他在《金宵大廈》也是一連串穩定的發揮連繫全劇,功不可沒。(螢幕截圖)

劉老師當年也做過武師,不過現在卻不會再老本行:「早十年八年打完之後,有人話我好慢,一睇真係好慢,我心仲以為自己三四十歲,但機會唔係喇,再打唔掂喇。」

劉老師表示星期二(14號)便會正式離開TVB,今日會否想最後拿一次獎?他說:「今日純撐《金宵大廈》,算喇我喺度十幾年,知道咩事喇,如果我攞到,我想親口多謝同我一齊成長嘅觀眾。」

劉江決定離開TVB 入行超過50年曾試過腦血管栓塞中風

【回顧2019】今年最突出的TVB十大甘草 劉江李國麟都唔夠佢出位

後生時的劉江曾擔任過武術指導,初期演出大多是武打片。(網上圖片)

+7
+6
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。