【萬千星輝2019】楊千嬅趕返港撐《多功能老婆》:不再追求獎項

撰文:賴家杰
出版:更新:

《萬千星輝頒獎典禮2019》昨晚(12日)圓滿落幕,楊千嬅憑劇集《多功能老婆》中飾演藍飛一角,奪下了「最受歡迎電視女角色」。千嬅其實是專誠趕回來支持頒獎禮,她說:「好彩趕到返嚟,因為琴日係海口開演唱會。我第一次參與呢個頒獎禮,非常有滿足感,同埋主要返嚟係撐《多功能老婆》呢個劇組。」

《多功能老婆》拍攝了5個多月,千嬅非想懷念這段日子。(梁碧玲攝)

相隔多年回到TVB再次拍攝劇集,反應和口碑熱烈,千嬅無論是歌影視的作品也是信心保證,她說:「其實我好滿足,我之後好想做唔只係獎項上嘅嘢。唱歌同演戲係要不斷成長,TVB拍劇你會畀拍戲班演員毅力感染到。無論大家幾攰都好,一埋位就交到貨,呢個係團隊合作。」

千嬅對於會否再次拍攝劇集,她說要看劇本和時間能否配合。(梁碧玲攝)

最近千嬅與老公丁子高在內地拍攝的綜藝節目《妻子的浪漫旅行3》,節目中二人私下相處方式都呈現在鏡頭上,丁子高更說拍完節目與老婆了解更加多和提升感情,千嬅非常認同,她說:「其實有啲嘢平時唔會討論,但呢個節目係專題性又去旅行,你會不自覺分享好多兩個人問題。多咗時間反省平時自己有咩問題,無形間都令自己脾氣好咗。」

千嬅笑言在《多功能老婆》中認識了一堆好朋友。(梁碧玲攝)