Cookies成軍十八年各散東西 鄧麗欣曬近照:希望可以再齊人一點

撰文:
最後更新日期:

Cookies絕對係香港人嘅集體回憶。(網上圖片)

「又不是八十年代寂寞芳心的愛」,2000年代香港吹起一股組合風,Cookies正正喺2002年出道,呢首《心急人上》唱到街知巷聞,9位成員風靡大批粉絲。一年後淨返4位成員,到2005年正式拆夥各自發展。多年來傳出餅碎之間有心病姐妹情不再,呢日Stephy分享幾張Cookies聚會嘅相片,令網友相當驚喜。

05年拆夥後已甚少機會見到佢地合體,即使Kary結婚都唔齊人。(微博:@區文詩Angela)

正忙緊拍攝ViuTV劇《男排女將》Stephy,呢日喺IG貼出合照相留言話:「感謝劇組突如其來的假期讓我有時間出來跟大家相聚一刻,太難得的一個下午﹗大家都有一陣子沒有見了,而我覺得...... 大家都沒什麼變化keep得好好呀~Serena女女好可愛好乖乖~下次見面希望可以再齊人一點啦。」

(左起)Serena、Gloria、Miki、Angela、Stephy。(IG:@stboo)

相片中除咗常見嘅Stephy、Angela、Miki,就連早喺2003年已退出嘅首代成員蒲茜兒(Serena)及陳素瑩(Gloria)都有現身,Serena更帶埋囡囡現身。同為人母嘅MIKI:「原來一眨眼我們已經認識18年了﹗突然好懷念我們那一年的時光,我們的專用巴士,我們的宿舍,每天零晨五點起牀化妝整頭,每天不停的食,最後我肥了二十磅,這一年真的很特別。」

18年後大家都好似無咩點變,Serena仲帶埋兩個囡囡現身。(IG:@stboo)

見到5餅碎合照,網友紛紛留言指童年回憶返晒嚟,希望cookies有機會合體,睇下九位成員依家各自有咩發展:

+3
+2
+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。