【鄭秀文演唱會】張衛健擔任嘉賓 爆安仔娶老婆全靠他

撰文:陳浩賢
出版:更新:

鄭秀文(Sammi)於紅館舉行的《Touch Mi 2鄭秀文世界巡迴演唱會2016》,昨晚(18日)來到第3場,而頭兩場身體抱恙的Sammi,昨晚病情大為好轉,成把聲靚番晒嚟,而且愈唱愈順,在唱出《終身美麗》期間,更興奮地大聲嗌「好開心呀,我把聲清番啦」,全場粉絲為之雀躍,但全晚的高潮位,必定是個唱嘉賓張衛健(健仔)出場,更大爆Sammi及安仔(許志安)的復合秘聞。

Sammi在第三場個唱,愈唱愈順,再次出現天籟靚聲。

健仔是Sammi及安仔兩夫婦的好友,在台上更大爆當年二人的復合原因,他笑稱當時跟太太張茜在菲律賓舉辦三日兩夜的婚禮,「我分別邀請咗當時仲處於分手狀態嘅許志安同梁漢文嚟。」健仔搞爛gag,令Sammi笑到停不下來。健仔連隨澄清:「許志安同梁漢文無嘢架,鄭秀文唔係煙幕。」健仔更隨口噏指安仔及Sammi就是在這三日兩夜裏成功翻撻。

張衛健擔任Sammi演唱會嘉賓,卻半開玩笑表示安仔和Sammi復合,全靠他三日兩夜的婚宴。

Sammi雖然不停否認,更笑指健仔「唔關你事,你亂講。」健仔更不斷發揮搞笑本色,在台上續說「今日你哋開花結果,係咪應該當我老爺,斟番杯茶俾我。」其後再說「許志安喺唔喺度?」Sammi即答「唔喺度。」健仔即轉向第一排的一位男觀眾,「你出嚟扮住許志安先啦。」健仔見現場觀眾耍手擰頭,即接着說「你浪費大好機會呀,如果俾着我……我都唔制,我好愛我老婆㗎。」

健仔不時搞爛gag,更叫第一排的男觀眾扮許志安上台。

除此之外,健仔指千禧年拍攝劇集《齊天大聖孫悟空》,就曾跟Sammi及安仔合作過,更笑稱Sammi知悉安仔演出唐僧隻白馬後,隨即答應演出飾演觀音,健仔更半開玩笑表示「當時Sammi問可唔可以叫唐僧落地行,俾隻馬我騎呀?」健仔愈說愈興奮,指當時老細知道Sammi有份拍,即加多500萬俾健仔,健仔還笑說自己住緊層樓Sammi都有份俾,所以他打算開部戲《半熟人妻》讓Sammi主演,再將5百萬物歸原主,其實健仔只是搞下氣氛,相信不會有觀眾當真。

Sammi身體狀況明顯比頭兩場佳,勁歌熱舞完全冇難度。

其後當Sammi想拉健仔落台,表示「我幾乎都請每個嘉賓唱歌,但係你唔使啦,趕時間呀,超時罰錢。」健仔即豪氣表示「許太今時今日,一萬幾千過眼雲煙啦。罰錢?我張衛健俾。」健仔言畢連隨贏得全場掌聲,Sammi雖然拗不過健仔,但她卻叫健仔不要再唱《足球小將》,她表示想聽《身體健康》,指這首歌在今次演唱會對她特別有意義。Sammi在第三場騷已經回復狀態,剩餘的場數粉絲終於可以真真正正欣賞到偶像精采演出。

Sammi承諾在個唱有幾多做幾多,令現場氣氛相當熱烈。
(左起)安仔帶領張衛健、蘇永康等好友,到紅館撐Sammi場。
Sammi散場後為粉絲簽名及握手,相當親民。
Sammi昨晚在Facebook專頁留言,多謝粉絲包容她抱病開騷,甚為感動。(Facebook截圖)