【武漢肺炎】日本口罩設計古怪? 周奕瑋解釋摺位點解向上又向下

撰文:陳栢宇
出版:更新:

「武漢肺炎」肆虐全球,截至周一(24/2)香港已超過80宗確診個案,當中更有兩人死亡,搞到人心惶惶,要周圍搵方法撲口罩防疫。相信不少人用不同途徑購得日本生產的口罩,但拎上手就立即「黑人問號」,因為這些口罩的「風琴位」向上摺又向上摺,不似一般外科口罩摺痕統統向下。雖然這類口罩的上緣都有鐵線,要戴一定分到上下,但它們裏外都是白色,實在令人無從入手,完美貫徹「日本嘢」總是古古怪怪的印象。

「日式口罩」確實與一般外科口罩有所分別。(網上圖片)

今日(25/2),多次在日本拍攝旅遊節目的周奕瑋(Jarvis)便於社交網站為大家指點迷津,指部份日本口罩的上半部向上摺、下半部向下摺的設計,原因是為增加口罩與面部之間的空間:「上下拉開口罩呢款口罩,佢就會變得立體,有多啲空間。有多啲空間。除咗有助呼吸之外,女士們亦都可以唔怕口罩太貼妝會整花。」他又補充指日本醫療用的外科口罩其實與其他地方一樣摺痕向下。

周奕瑋曾主持無綫(TVB)節目《周遊東京》、《周遊關西》。(Instagram/@jarvischow)

提到「日式口罩」裏外全白底面難分,他直言如果拉開口罩,觀察口罩的弧度便自然分辦到:「有人可能會覺得睇條口罩繩連住邊一邊,連嗰邊咪裡面囉!其實都唔一定,因為日本有啲廠商會特登將條繩連喺外面,一來為咗連接位唔會整痛塊面,二來因為橡筋拉扯,就可以令到口罩更貼面。」當然,每款口罩的設計也不盡相同,所以他為大家解答後都「笠一笠頭盔」:「每個設計都有佢地背後特別嘅原因,所以戴之前最好睇清楚說明,唔怕會反轉。」

周奕瑋真係成日去日本:

+9