江嘉敏陳曉華劉佩玥自發派口罩 馮盈盈大讚:人間天使正義女神

撰文:
最後更新日期:

新冠肺炎(COVID-19,俗稱武漢肺炎)疫情蔓延,為了防疫,不少市民都四圍撲口罩。日前江嘉敏(Kaman)、陳曉華(Hera)、劉佩玥(Moon)等就去到深水埗,派發防疫物資給長者同街坊,相當有善心!

江嘉敏(Kaman)、陳曉華(Hera)、劉佩玥(Moon)等去到深水埗,派發防疫物資給長者同街坊,相當有善心!(IG@kaman_kong)

Kaman在IG Post出幾張照片,表示見到不少長者因為物資不夠,將口罩重用,大感心噏。而自己在一個半月前訂的口罩原來最終只是騙局,不過幸好身邊有不少朋友相助:「好感動嘅就係有外地朋友見到我俾人呃,都好熱心主動咁幫我訂咗批口罩返嚟,仲有麥玲玲師傅一知道我想派物資,即刻二話不說第二日就送咗幾百支洗手啫喱過嚟。而最開心嘅係,有幾位朋友一聽到我話去派物資,覺都唔瞓,搵晒全家一齊去搵密實袋,收工冇瞓覺就去將啲物資包好一袋袋,真係好好好開心大家出錢又出力去幫人。」

Kaman的電競公司高層男友Anthony亦有到場幫手派物資,非常有心;其後他更在社交網站貼出合照並寫道:「Giving back to the community(回饋社會)」。(IG@snoopthony)

派口罩之餘,仲有派洗手啫喱。(IG@kaman_kong)

+2

其實Kaman近日一直忙住拍攝新劇《食腦喪B》,捱更抵夜,但她都抽時間出街派口罩:「瞓得3個鐘起身去派口罩其實真係好眼瞓,喺街度拎住幾百袋嘅口罩加洗手啫喱真係有啲重同好熱。但係當見到婆婆伯伯收到口罩嘅時候,睇見佢哋對眼都笑緊咁,再講聲「願主保佑,希望個個身體健康」,真係咩辛苦都唔記得晒。同埋好多婆婆伯伯真係好好,明明自己都冇乜物資,我哋好想送多少少畀佢哋,佢哋都會拒絕,叫我哋分享畀其他有需要嘅人。雖然我哋有嘅物資唔係好多,但我哋希望幫得幾多得幾多,希望我哋咁做可以感染到身邊嘅人去幫更多有需要嘅人。」網民紛紛留言大讚她人美心善,馮盈盈更以Kaman在劇集《大醬園》中的角色高雙雙的人物介紹「人間天使正義女神」來形容她!

Kaman同在劇集《大醬園》中的角色高雙雙一樣,係「人間天使正義女神」!(IG@kaman_kong)

+14
+13
+12

而Hera就在IG寫道:「感覺好似五餅二魚嘅故事,雖然我哋嘅數量都唔多,但每人幫少少 畀少少,加加埋埋就會好多。係主動派嘅時候,發現好多公公婆婆都會怕麻煩唔想去排隊~亦都會有啲遞俾佢哋嘅時候好怕係要收錢~其實身邊仲有好多人無口罩或者唔夠口罩唔知點解決,大家都可以繼續帶多幾塊口罩出街,遇上有需要嘅人,可以主動送畀佢哋。」幾位女神真是愛心滿滿呀!

真係愛心滿滿!(IG@herachann)

劉佩玥(Moon)都有份派!(IG@arryuu)

+38
+37
+36


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。