【3日2夜】傅嘉莉派泳照福利 被網民彈太密實：你哋好高要求呀！
撰文：吳子生
出版：更新：
傅嘉莉（Kelly）、楊潮凱今日（29/2）到秀茂坪派發口罩活動。提到二人早前孖住出發到柬埔寨拍攝旅遊特節目《3日2夜》，由於新冠肺炎（俗稱：武漢肺炎）疫症嚴重，二人上機前已做足防疫措施，潮凱坦言兩個半鐘頭機程，都不敢上廁所避免受到感染，而Kelly就話：「我嘅粉絲佢哋好貼心，買晒眼罩口罩雨衣畀我，其實我成套裝備上機係要好勇敢，因為上到機係會俾人笑，仲要遭到外國人白眼。」
傅嘉莉、楊潮凱和江嘉敏落區派口罩，惠澤社群。（許朝暉攝）
講到拍攝《3日2夜》過程，潮凱坦言首次近距離接觸大象感覺震撼：「喺拍攝過程我哋要同大象玩又要餵佢食嘢，先發覺大象原來好聰明。」此外，Kelly去到柬埔寨後，便急不及待大曬紅色一件頭泳衣照，有網民大嘆失望，認為泳衣過於密實冇驚喜。Kelly就話：「哇！你哋好高要求呀！其實泳池當時都好多人嘅，再加上我想襯返啲紅色指甲先咁着啫！」