【慶餘年】父親公司被收購獲利5億 張若昀成隱形富二代 

撰文:鄺鈺瑩
出版:更新:
范閒住嘅大宅有個非常大嘅花園,現實中,張若昀嘅四合院式別墅亦都唔弱。

張若昀喺《慶餘年》中飾演嘅范閑雖然係私生子,但從小到大豐衣足食兼有大宅住。現實中,張若昀其實亦都係一名少爺,因為早前佢爸爸張健既係有名導演之外,亦係傳播公司董事長,公司早年被一間上市公司收購,從中獲利5億多。雖然去年曾有張父欠債嘅新聞傳出,但一直未有得到證實。

呢個係廚房,可惜張若昀唔係好識煮嘢。

張若昀2017年參演綜藝節目《花兒與少年》,曾招呼陳柏霖到其家中作客,而當時「張若昀 四合院」一詞即時成為熱搜,要知道,北京嘅四合院僅存係以億元起首,兼且唔係想買就有。不過,後來有網友就指出張若昀所住嘅「四合院」,其實係位於順義中央別墅區嘅歐陸苑,屋苑內嘅獨立屋最小都有200平方米(四房兩廳),現時市價約為1,500萬人民幣,而養Husky嘅張若昀,選擇有大花園嘅獨立屋別墅,市價約為2,000萬。就《花兒與少年》片段所見,張若昀嘅屋企設計十分簡潔,除有納壁爐之外,最好笑係仲竟有一部電單車以及一組交通燈。有傳張若昀接拍三季共150集嘅《慶餘年》片酬約3,800萬,相信無論電單車抑或係跑車,佢都絕對有能力可以擺到入屋。

呢個係其中一個客廳,有壁爐之餘,仲有部電單車。
呢個係別墅門口,彷四合院設計。