阮小儀傳因罷工不獲TVB續約　澄清冇受打壓：嘗試新發展

無綫近年陸續有不少演員離巢，而不時參與TVB電視劇拍攝及節目演出的商台DJ阮小儀，原來早前亦已與TVB結束合約，網上有討論區指她不獲續約的原因，有可能跟她去年8月響應罷工有關，小儀電話回覆《香港01》，她表示與TVB是和平分開，沒有被打壓。

小儀指與TVB的合約每年續簽，一年6個騷，今年合約快到期的時候，TVB有主動找她傾續約事宜，但因未來發展方向而選擇不續約，小儀說：「商台高層同我研究過，希望之後可以嘗試一啲新方向的發展，舉例咁講啦，可能都可能跟唔同的電視台合作，所以今次就冇再續約，都有同TVB嗰邊解釋返，佢哋亦欣然接受，他日如果有節目或者劇集需要我阮小儀嘅，我哋都好歡迎佢哋隨時嚟搵我。」小儀亦強調沒有因政治取向而被TVB打壓。

原本由小儀和森美主持超過十年的綜藝節目《千奇百趣》，已經更名為《你估我唔到》，改由林盛斌、張秀文主持；而小儀另一個節目《街坊廚神》的拍檔金剛，亦已離開TVB，近年更現身不同平台，包括ViuTV，未來小儀有可能在TVB以外的地方，再與舊拍檔合作。