曾患情緒病有意退出歌壇  盧巧音預告開個唱:要睇疫情發展成點

撰文:吳子生
出版:更新:

盧巧音(Candy)今日(9/3)以嘉賓身份出席香港開電視《一曲走天涯》節目錄影,大談過去二十年在音樂路上高山低谷的經歷。曾經患上情緒病的Candy,坦言曾經一度有意放棄歌唱事業,而轉戰做幕後,幸好身邊有位好老公蘇浩才,一路在身邊照顧,陪同戰勝病魔。

 

曾經患上情緒病的Candy,坦言曾一度想放棄歌唱事。(陳順禎攝)

經過六年時間的心靈洗滌後,Candy始終發覺自己鍾情唱歌事業,並再次回歸香港樂壇:「回顧呢段日子,令我成長咗好多,當中所經歷嘅嘢都有佢嘅價值喺度,無論佢係一隻好歌,又或者係一個唔好嘅表演,都帶畀自己好多得着,原來經過咁多年,發覺原來自己真係好鍾意唱歌。」問到會否開演唱會?Candy表示:「因為宜家有疫情影響,希望下半年會穩定啲,到時會有啲計劃,希望可以實行到,但真係好睇個疫情發展成點。」

Candy預告下半年會有新計劃開個唱,希望疫情盡快會受控得到解決。(陳順禎攝)