【法證先鋒IV】譚俊彥大讚與陳煒感情線描寫得好:唔會好小朋友

撰文:賴家杰
出版:更新:

譚俊彥與陳煒今天(12日)出席《法證先鋒IV》的宣傳活動。二人的衣著特別打扮過,俊彥穿上皮革,帥氣十足。另外煒哥穿起紅色連身裙,成熟風味加點仙氣,加上壓軸出場,令大家不得不關注。俊彥說:「因為今日係大會要求想要嚟一個fashion show,咁我重案組要著皮革,煒哥就著靚靚衫。」

會唔會太靚?(梁碧玲攝)

劇集說到煒哥的另一伴「偷食」好閨密,所以感情線開始把譚俊彥牽線在一起,煒哥說:「我喺劇集呢段時間好sad,呢段時間俊彥就喺我身邊關心我。不過呢幾集又峰迴路轉,又有事發生。我捲入一單case,我係嫌疑犯嚟。」在旁的俊彥說這次劇中不是只有查案,連大家的愛情也描寫得很好:「我好鍾意一個設計,Queen(煒哥飾)同King(俊彥飾)都係大家樹窿嚟。兩個人之間要建立信任好難,所以我同佢條感情線係比較大人啲,唔會好小朋友個啲。即係我掛住你或我愛你個啲係冇。」

三個都好Chok。(梁碧玲攝)

現實中想找一個「樹窿」傾訴是很難,不過二人興幸能有不同「樹窿」傾訴,煒哥說:「其實唔同範疇我有唔同樹窿,工作有工作嘅,家庭有家庭嘅,感情有感情,分開投資會舒服啲。」至於俊彥一定是他太太,「我成日返到屋企就會忍唔住同佢傾計,好多說話想同佢講,所以經常性俾唔到驚喜佢。不過其實我好多中學同學,可能大家做唔同行業做緊,所以咁多年佢哋都係我最大嘅樹窿。」

你可能感興趣