【打天下】AK@MIRROR未知何時播 阿Jer:老闆睇過試片評價幾好!

撰文:
最後更新日期:

MIRROR成員Anson Lo(盧瀚霆),今日(17/3)與另外兩位兄弟 ─ 柳應廷(Jer)和Anson Kong(江𤒹生)一起到商台宣傳新歌。談到近日ViuTV劇集《二月廿九》網上好評如潮,AK直言,希望未來日子ViuTV劇集的收視會愈來愈高。

「梗係希望自己公司嘅劇集會有高收視,而家ViuTV嘅劇集已經開始係播一個鐘頭,可觀性會愈來愈高,另一個原因係,我哋好多同事、朋友都喺入面,好似阿Dee哥(ERROR成員何啟華)都有喺《二月廿九》入面演出,我就睇咗少少。」

另外由歐錦棠監製的《打天下》早前煞科,有份主演的AK說,現時仍未知這套劇何時播出。「而家我都未係好確實知道係咩日子播,早排我聽到話會係4月播,而家又聽到話會延期到6月,所以我估應該差唔多係喺暑假嘅時候推出。」

疫情影響ViuTV劇集《男排女將》拍攝進度    Anson Lo@MIRROR:搵地方好難!

MIRROR成員Anson Lo(盧瀚霆,中),今日(17/3)與另外兩位兄弟 ─ 柳應廷(Jer,左)和Anson Kong(江𤒹生,右)一起到商台宣傳新歌《一所懸命》、《水刑物語》和《特登》。(陳順禎攝)

ViuTV新劇《二月廿九》熱爆,AK@MIRROR(右)受訪時坦言:「我睇咗少少,但就諗住出晒後,一次過由頭追到落尾。」身旁的阿Jer(左)隨即糾正拍檔:「大結局咗喇!」(陳順禎攝)

AK親自為《打天下》創作主題曲

問到有沒有跟棠哥商討,新劇推出的時候會怎樣宣傳造勢?AK說,「原本話4月出嘅時候,棠哥係有諗點樣宣傳,例如叫我同阿談(談善言)拍啲空手道嘅片,但呢個仲未Firm得到。加上而家又要延期,所以要再遲啲先可以Organize過啲宣傳策略。」AK又透露《打天下》的主題曲出自其手筆,但現階段仍未是時候公布。

談到《打天下》的吸引力如何,AK不忘賣花讚花香,「呢套係香港第一套以空手道作為主題嘅電視劇,而且演出陣容相當鼎盛,有真係好熟悉空手道嘅男主角棠哥,佢亦都搵咗好多世界級嘅真實拳王客串,咁我同阿談都係特登為咗呢套劇由零開始去學空手道,我亦都會有一條小小嘅愛情線喺入面,大家可以拭目以待。」

AK直言,除了拍攝之後有看過少少片段外,他仍未看過剪輯版的《打天下》,反而經理人花姐和老闆魯生(ViuTV總經理魯庭暉)有看過,身旁的阿Jer爆料:「老闆嘅評語都幾好喎,佢覺得Anson Kong做戲嘅時候,有以前郭富城的影子,佢哋話AK可以走呢個路線。」AK聽罷先驚訝後興奮,然後說:「真係咩?多謝老細!」

《打天下》是AK@MIRROR入行以來首次參演的劇集,劇中扮演歐錦棠的徒弟,戲份不少,他說自己在拍攝時已看過前段的初剪版本,「但我反而想睇番後少少嘅場數,當時大家已經熟絡咗,我都開始對(拍劇)呢件事熟習嘅時候嘅嗰個狀態,我想睇嗰啲片段多啲。」圖為他在日本沖繩拍外景時留影。(Anson Kong fb專頁)

點擊下列圖輯欣賞更多Anson Kong、Anson Lo和阿Jer的相片:

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。