【新冠肺炎】食肆結業走數 老公收唔到錢  黃芳雯:見步行步

撰文:
最後更新日期:

美女主持Paula(黃芳雯)今日(19/3)現身尖沙咀為香港開電視全新體育訪談節目《大輝主場》記者會擔任大會司儀,講到體育足球運動,Paula坦言之前對足球運動毫不認識:「自從同黃興桂合作做節目認識之後,佢就成日帶我去睇本地足球賽事,佢會話畀我知好多關於足球方面嘅知識,而且我老公亦係是一位足球狂熱迷,有時候佢半夜三更話要出去同朋友睇波,咁我緊係要識做畀佢去啦,佢去睇波,我就煲劇抗疫。」

 

現育有二名子女的Paula,坦言照顧小朋友是一件非常辛苦事,所以未有打算再生B。(葉兆康攝)

Paula老公從事家禽食品供應商,在疫情影響下,餐飲行業生意難撈紛紛結業,Paula透露老公亦被人走數收唔到錢:「其實聽到佢講話宜家香港嘅餐飲業,嚟近呢兩三個月後會有更加多食市結業,但對佢嚟講其實影響不大,因為佢都有供應畀啲大型超市,反而宜家啲人少咗出街食飯,多咗去超市買餸煮飯,不過始終都會有啲客戶冇畀錢走咗數,其實呢啲情況多多少少都有發生,惟有見步行步啦!」

 

Paula老公從事食品供應商,試過被客戶走數不還錢。(葉兆康攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。