薛家燕爆婚姻失意時 張國榮致電幫助:妳需唔需要經濟支持

撰文:
最後更新日期:

明天(4月1日)便是張國榮的死忌,每年這個日子不少粉絲會自發活動來紀念他。除了粉絲,張國榮在圈中人緣極好,與他合作過的藝人也會對他讚好不絕。早前薛家燕出席TVB音樂節目《流行經典50年》,接受《香港01》訪問時候,大談與張國榮的回憶。

薛家燕表示張國榮一出道,她就開始認識,看著他一步步由新人變國際巨星,二人更有不少合作,她說:「對我嚟講真係好大感觸,我可以話睇住張國榮出道。佢歌唱比賽得到亞軍之後就入咗我哋團隊,做我哋藝人。佢唱歌同演戲都好有天份,憑佢自己努力成為天王巨星。但好可惜,係佢英年離開咗我哋,不過我會永遠懷念佢。」

家燕姐指當年張國榮最後一次開演唱會也有特意邀請她來看。(陳順禎攝)

Leslie這位天王巨星,除了深受粉絲愛戴,連娛樂圈只要跟他合作過的藝人也對他讚不絕口。而Leslie絕對是一個有情有義的巨星,家燕姐透露:「佢係其中一位我係婚姻好唔得意嘅時候打電話俾我,佢第一句就話『家燕姐你冇乜事嘛?』然後再講『妳需唔需要經濟上支持?妳話畀我聽!我隨時可以幫你』呢件事我仲記係心到,佢係一個有情有義嘅一位藝人。」

Leslie在工作上的努力,家燕姐覺得是年青人的榜樣。(陳順禎攝)

哥哥在娛樂圈唯一親口說過最深愛的女人就是毛舜筠,哥哥當年第一眼見到毛舜筠就愛上了她。說起當年哥哥還沒成名時候,他是尋求家燕姐當「愛神」角色去認識毛舜筠,家燕姐說:「Leslie同我講好鍾意毛毛(毛舜筠),問下可唔可以約埋一齊食飯,咁黎小田就話好啦,變成兩Pair人一齊食飯,幫下佢,當時大家都係20幾歲。Leslie餐飯表現就好興奮,因為佢真係好鍾意毛毛,反而毛毛就好怕醜。毛毛依家大個咗,大家都知佢好多說話、好幽默。但其實嗰個時候係好矜持、好怕醜又可愛。不過都係食下飯跳下舞,之後好似冇下文,毛毛事後講返個次都係俾面我哋先去。」

哥哥最愛女人係毛舜筠。(資料圖片)

家燕姐又爆哥哥其實是好寂寞,因為他是自己一個人住,她說:「佢當時未紅出糧得千幾,但租都要五百幾。佢收工就自己行返廣播道,佢又好叻冇靠屋企,其實佢屋企本身都OK。(屋企富裕?)應該係,佢爸爸係香港好有名做裁縫師,何里活嘅人嚟香港都搵佢爸爸做西裝。」

當年哥哥同家燕姐都有唔少合作。(薛家燕提供)

點擊睇更多哥哥同毛舜筠嘅精華照片!

+5
+4
+3

點擊睇更多家燕姐同哥哥當年一齊合作嘅電影作品照片!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。