陳展鵬為太太及女兒戒煙:重新睇下自己有咩缺點然後改進

撰文:
最後更新日期:

已經有一段時間沒有看見陳展鵬在螢幕亮相,今天(25日)他出席《娛樂大家10點半》錄影節目,在接受《香港01》訪問時候,他解釋:「其實早前我拍緊《逆天奇案》,同埋早排市道係靜,少咗好多公開活動,冇點同大家見面。今日好開心上到《娛樂大家》,希望俾到多啲正能量大家。」

展鵬笑言玩遊戲挺厲害,只不過多數演戲也是演一些有威嚴角色,所以令大家覺得他不太會玩遊戲。(葉志明攝)

現在除了工作之外,他主要留在家中,避免與人群接觸,他說:「沒辦法啦,為己都為人。始終香港係人群聚集地方,有時候真係唔知會接觸到咩人,所以少啲外出,多啲留喺屋企,做足安全措施。」

陳展鵬為了女兒,安全措施做得相當足夠,他說始終女兒年紀還小。(葉志明攝)

談到現在時間多了,有時間陪伴女兒,令他本人亦改變不少,他說:「我依家要重新了解一下自己,要明白小朋友乜都唔識,變咗要控制自己說話語氣。同埋好似讀書咁,要重新上堂,睇下自己有咩缺點。會影響小朋友嘅,咪改變自己。我以前都有食煙習慣,但有小朋友之後,我都戒咗差唔多兩年,冇辦法,自己都知道食煙唔好,但你知道以前拍戲唔食煙會畀人鬧。」雖然他很鍚女兒,但陳展鵬表示自己不會竉壞她:「我想佢好似日本的小朋友咁,由細到大,唔好做啲多餘嘢,為人設想,顧人感受,幾叻都好而家好多時忘記咗做人嘅基礎,即係幼稚園學過嗰啲,呢樣就係我要喺屋企到教,個人品格好重要。」

展鵬為小朋友改變了很多。(葉志明攝)

早前陳展鵬在微博呻網購有不愉快經歷,更指貨不對辦,有被騙的感覺,然後被內地網友恥笑,他說:「最緊要解決得到,有時候新聞我都知道係嘩眾取寵,會捉字眼,不過咁件事都正面嘅。經過呢件事,啲網友仲教返我點買,我都會睇佢哋留言。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。