【新冠肺炎】林夏薇飲食生意下跌5成 暫沒有計劃停業：我冇裁員
撰文：賴家杰
出版：更新：
林夏薇（薇薇）今天（25日）出席《娛樂大家10點半》錄影節目，她笑言是有挑戰：「我都有做功課先嚟，但睇到有啲問題都幾難。我就係嚟考下自己個腦，可能呢排成日喺屋企，冇點用腦，會有少少遲鈍。」
薇薇今天著得好靚。（葉志明攝）
新冠肺炎關係，薇薇主要是宅在家中，她說：「陪下屋企人，陪下狗狗。依家可以做一啲以前做唔到嘅事，譬如追劇，以前咁忙邊有可能追劇。同埋練琴加睇書，因為我鍾意學其他新事情。」
薇薇最近學習金融方面的事情。（葉志明攝）
薇薇在香港也有多間飲食鋪頭，疫情令到她損失確實挺大，「都唔太理想，呢個疫情都係全球性，需要等過渡，見步行步。（生意跌咗幾多？）要睇地區，譬如山頂個間，以前靠遊客，依家近乎係本地客人。預期少咗三成生意，有啲地區晚市少咗五成。不過暫時都未有停業計劃，我哋都冇裁員，希望同員工大家共渡時艱。」