【口水多過浪花】女神鄺潔楹爆留學恐怖經歷 靠成龍抵抗校園霸凌

撰文:黃欣華
出版:更新:

仙氣女神鄺潔楹(Judy)近年人氣急升,接廣告接到冇停手!日前,她受邀去到鄭裕玲(Do姐)主持電台節目的《口水多過浪花》接受訪問。她在節目中分享自己曾到美國留學的恐怖經歷,想不到身形細細粒的她個膽其實好大!

Judy更透露終於獲Do姐成為IG好友!(《口水多過浪花》FB照片)

Judy透露曾在2009年赴美國冷門州份──路易斯安那州(Louisiana)留學。當時,她除了寄宿在黑人家庭外,更成為學校中唯一亞洲面孔,她自爆為免被校園霸凌,唯有使出一招:「一開始我好驚校園Bully(霸凌),因為美國都幾嚴重,嗰陣時真係會被人打,我呃佢哋我Uncle係Jacky Chan,叫佢哋唔好mess with me(招惹我)。(唔係信呀嘛?)佢哋真係信……佢哋好淳樸,真係信咗我半年。後尾,有一日佢哋話我同你都幾熟呀,可唔可以叫你Uncle寄啲簽名相過嚟,之後我先醒起原來佢哋信咗我半年,我自己講完都唔記得。」

Judy曾寄宿黑人家庭,指當地人很友善!(IG/@judy_kwong)
Judy細細個就好獨立!(IG/@judy_kwong)
喺外國同人講Uncle係Jacky Chan原來真係有用!(圖片來源:視覺中國)

另外,Judy更稱在大學期間曾遇校園槍擊案:「喺西雅圖讀大學有一年,上緊堂突然開咪宣告隔一條街嘅大學發生咗校園槍擊案,叫我哋留喺安全位置,當時真係好驚,見到同學喊晒打畀屋企人,又諗如果佢衝過嚟射殺咁點算……最後成功捉到嗰個人,但死咗一個人。」Judy留學期間經歷如此多恐怖事件,看來她一定成長不少!

她又指當時唔敢打畀屋企人!(IG/@judy_kwong)
難怪Judy在節目中咩都唔驚!(網上截圖)

點撃下圖睇女神更多靚相!

+15