【影片】霸氣郭峰一秒變霍景良　自爆最愛金句：日日咁慶祝你悶唔悶㗎？

神劇《創世紀》每次重播都有迴響，除了劇情具追看性，角色亦超級吸引，要數網民最愛，肯定是郭峰飾演的大奸角霍景良，劇中他的對白精警，有網民更加輯錄成金句。今日（29日）郭峰再度回歸無綫，出席新劇《同盟》開鏡記者會，今次郭峰再做反派，絕對令人期待。

而64歲的郭峰雖然表示沒有翻看《創世紀》，但估不到有留意高登討論區，他說：「我知《創世紀》重播，但時間對我哋呢啲老人家太夜喇。我知道大家仲好支持，多謝。我有睇過網民幫我輯錄嘅金句，我自己最鍾意就係『態度正確』，仲有一句係『日日咁樣慶祝你悶唔悶㗎？』呢啲對白你話寸又得，但又好切合佢嘅身份。」

劇中霍景良氣燄囂張，但現實中郭峰相當謙厚，對於網民竉愛，他覺得全是劇組功勞，他說：「《創世紀》好睇係因為劇情，同埋每個角色好鮮明，唔係剩係霍景良架，劇入面每一個人物都一流。」郭峰更為01娛樂，再度霍景良上身講金句，雖然隔了多年，依然感覺到霍生的霸氣。