陳展鵬驚傳靠古法追掂胡定欣：古法按摩就聽過！
撰文：林通賢
出版：更新：
陳展鵬和胡定欣都單身，又一齊拍新劇，定欣又讚展鵬靚仔，可能真係有機會發展㗎。
承接《城寨英雄》的氣勢，文偉鴻監製的新劇《同盟》陳展鵬（拳佬）和胡定欣（刁蘭）再度飾演情侶，今日在電視城舉行開鏡記者會，剛好有雜誌報導指陳展鵬原來同胡定欣已拍拖一個月，更說展鵬用「古法」如約睇演唱會和跑步等追掂胡定欣，對於報導陳展鵬當然否應，他說：「古法按摩就聽過，古法追女仔就真係第一次聽，無影響到，因為傳我拍劇追女主角唔係第一次，有經驗，但男未婚、女未嫁，咩可能性都有，我同定欣都成日傾偈，我信緣份多啲。」
而女主角胡定欣對於緋聞一笑置之，不過都讚展鵬，她說：「新聞大家睇完就算啦，不過我就唔知咩叫古法？（展鵬靚唔靚仔？）佢靚仔，但我都好靚女喎，（會唔會考慮下呀？）唔知喎⋯⋯」咦！有可疑？
鮑起靜首次為無綫拍劇，原來戲劇總監曾勵珍已力邀多年，今次終於成事。（林通賢攝）
陳展鵬同胡定欣繼《城寨英雄》後，再度合作，更有報導指二人拍拖一個月。（林通賢攝）
陳山聰今次做第二男主角，戲中同姚子羚有不少親熱戲。（林通賢攝）