【愛．回帶】霍景良土豪式金句抵死啜核 囂到你唔信
撰文：陳浩賢
出版：更新：
無綫重播神劇創世紀，最令人印象深刻，不是男主角羅嘉良如何智鬥大鱷，又或者陳錦鴻的「炒樓論」，而是劇中的大奸角郭峰飾演的霍景良，演活了霸氣野蠻的大地產商，而且留下了一大堆至今仍讓人津津樂道的金句，即使大家忘記了劇情、結局，卻一定被「霍景良金句」洗晒腦，今次就跟大家重溫一番，看看神劇的金句有幾抵死啜核。
郭峰表示最愛的金句是這句「態度正確，我都一樣」。（網上截圖）
態度正確，我都係一樣！
我養得隻狗就打得佢，你唔順嘅去防止虐畜會告我吖笨！
唔知醜，拎份廢紙就想同我合作？你同我舐鞋底就差唔多！
同場加映動物生態奇觀，狗咬狗骨！
《創世紀》的內容觀眾未必記得，但郭峰的霍景良金句卻令人印象深刻。（網上截圖）
我霍景良要睇邊個，踩邊個，睇心情㗎咋！
要發圍咩？跟我行，仲發得勁呀，係咁啦！
我個人喺度呀，你叫我用個人去就部車？
你以咩身份嚟同我傾生意？同我攞對拖鞋過嚟！
霍景良金句深入民心，而郭峰於2011年演出的舞台劇《書籍》，更以一連串金句拍成宣傳短片。（網上截圖）
你係真聰明，唔係嗰啲假古惑！
Easy Come Easy Go
呢個世界冇唔偷食魚嘅貓！
郭峰在舞台劇宣傳片上，更仿如霍景良上身，演繹經典金句。（網上截圖）
如果我霍景良喺呢個世界搵一個人做契弟嘅，最有可能嗰個都係你！
你哋賺錢賺得應份，我使錢使得高興！
此消彼長，絕對係道理呀！
我又唔係嗰啲剛死老豆，尾七都未過就穿金戴銀，拖住件肉彈四圍行嘅二世祖！
霍景良的金句固然寫得十分到肉，但郭峰七情上面的演出，更是最大功臣。（網上截圖）
太陽落山飲茶？飲酒慶祝嘛！
我得，係因為我叻，唔代表你哋得！
你只係一隻比較聰明嘅狗咋！
咩啫？玩大富翁之嘛，分開幾個Party出街掃貨！
後生仔，淡定咗，Well，好人忠厚啲，好事嚟嘅！