【機場特警】張振朗被封「衝動KOL」 自稱不明意思:覺得幾好笑

撰文:吳子生
出版:更新:

張振朗今日(13/4)現身電台為無綫劇集《機場特警》宣傳造勢。提到劇中飾演衝動派機場特警角色,振朗坦言這類角色不獲討好:「其實之後都會有一兩場戲,都因為自己個火爆性格累事,而最近我都睇到網上啲朋友都賜咗我一個新名叫『衝動KOL』,我覺得都幾好笑,點解會叫我做KOL,我都好想知道。」被問到會否覺得已取代吳卓羲位置?振朗直言:「取代唔到佢。」

張振朗被網民封為「衝動KOL」。(陳順禎攝)

張振朗透露為要演活機場特警角色,不惜戒口操肌練大隻,他坦言減磅期間有苦自己知:「其實減得最辛苦係拍緊嘅時候,因為好多時候拍外景都係燒味飯,惟有盡量要求走汁去皮嘅切雞飯,到晚上放宵夜,我都只係食兩隻去皮嘅雞髀,仲要用熱水沖走晒啲油先食,每日如事。」對比之前拍劇身形,振朗坦承發福不少:「其實呢排真係肥咗好多,相比之前肥咗十幾磅,不過體能都仲係咁Fit,掌上壓都可以做到一百下㗎,不過要分兩次做,相隔個半鐘再做第二次,哈哈!」

 

張振朗透露近來積極增肥練大隻。(陳順禎攝)