【機場特警】楊明無悔公開撐警 被網民封「藍明」:大家隨便鬧我

撰文:吳子生
出版:更新:

由楊明、張震朗和蔡思貝主演的無綫熱播劇集《機場特警》首集平均收視達31點,超過二百萬人次收看,收視相當強勁,連立法會議員梁美芬亦在社交平台出Post,大讚《湯好飲·劇好睇》為名的影片,幫楊明「燉湯店」宣傳。楊明今日(3/4)出席劇集《機場特警》宣傳造勢活動時,接受《香港01》訪問表示:「我噚日都睇到梁議員嗰條片,我好開心佢咁支持我。」會否贈送八拆卡給梁議員?楊明笑謂:「佢嚟到唔使講啦,自動會有啦,唔使卡啦,全香港都識佢!」

被問到否後悔表明自己政見立場?楊明坦言沒有後悔:「其實我都係講返一個真正市民要講嘅嘢,我唔會為咗自己嘅利益唔發聲,如果呢個香港唔和平唔好返,都唔使諗之後利唔利益嘅事,所以呢段時間不能顧及自己嘅利益,而唔發聲。」

楊明坦言沒有後悔表明政見立場。(陳順禎攝)

楊明又指明白大家會有不同政治立場,但社會上都不應該存在仇恨:「可能我之前表達咗我嘅政見,又或者我講咗一啲嘢,佢哋係唔同意嘅,大家都唔應該以殺父仇恨感去仇恨其他人,咁所以我好希望大家可以慢慢傾,唔使搞到完全對立,好想變返我認識嘅以前嘅香港,大家都守望相助嘅香港。」有網民封楊明為「藍明」,楊明對此表示不介意:「我喺網上都有人用粗口鬧我,佢哋有言論自由,但千其唔好傷害人,我冇問題,大家可以隨便鬧我!」

 

經常公開撐警的楊明,不介意被網民封為「藍明」。(陳順禎攝)

楊明燉湯店涉違規遭食環檢控無牌經營食肆:我而家係被攻擊嘅矛頭 梁美芬飲楊明燉湯睇《機場特警》:湯好飲、劇好睇!

發表評論...