【開心速遞】林凱恩廚藝叻 原來由細訓練:讀緊小學要照顧哥哥

撰文:吳子生
出版:更新:

林凱恩(Iris)今日(14/4)現身電視城出席《愛·回家之開心速遞》宣傳造勢活動。提到疫情下,無工開的日子,Iris透露在家抗疫玩下煮飯仔打發時間,更自爆精通中西煮法,入廚經驗將近二十年:「其實由我讀緊小學嘅時候,就要去買餸煮飯照顧哥哥,因為哥哥讀書辛苦,佢要早瞓覺,加上當時媽咪要返工冇時間煮,照顧哥哥嘅責任,就由我做細妹去做。(當時最叻煎腸仔?)唔好睇少我啦,我嗰陣時已經識整蒸水蛋、炒下菜蒸下魚,同埋最叻整糖醋骨。我起初學煮飯嘅時候,試過煮飯冇落水去煮,搞到成煲飯煲燶咗,不過經過磨鍊之後,開始識煮一餐飯再識去買餸,都覺得自己似返一個女仔都幾開心嘅一件事。」

 

林凱恩原來自小要學買餸煮飯照顧哥哥,相當犀利。(陳志嵐攝)