【多圖】鄭秀文教你點食紫薯減肥：包你瘦過碌番薯
樂壇天后鄭秀文（Sammi）為了保持Fit爆身形經常做運動訓練，健康飲食亦相當注重。昨天（19日）她拍攝了一條影片，教大家食紫薯減肥。影片開始Sammi笑言自己今天穿到像紫薯一樣介紹：「如果大家有記憶嘅話，我以前都有介紹紫薯，因為我好鍾意食紫薯，但我有一排冇食，不過最近就好想食返，於是我就落街市買啦。」
其實有不少人都誤會紫薯都是紫番薯，Sammi提醒大家不要混淆：「紫薯同紫番薯完全唔係同一樣嘅嘢嚟，簡單啲嚟講，紫番薯高卡路里高過紫薯亦甜過紫薯我覺得，其實紫番薯都平過紫薯好多。」
如果大家減肥想吃紫薯能再快一點看見成果，Sammi說了一個非常簡單的方法：「蒸熟咗之後可以將佢放入雪櫃，唔好擺冰格。雪佢一晚再將拎出嚟整熱，咁會產生一種抗性澱粉。抗性澱粉係食落肚冇咁易吸收，所以簡單嚟講卡路里吸收少咗。其實白飯都可以咁做，如果你好鍾意食飯想食多碗你都可以用呢個方法，咁會吸收少咗澱粉質，如果減肥朋友可以試下。」最後Sammi稱食紫薯還有很多的學問，笑言：「日日食紫薯包你瘦過碌番薯。」
《香港01》記者找了《Nutri Life Nutrition Consultancy Centre 智悅營養顧問中心》的註冊營養師Sally詢問這個減肥方法，經Sally的答覆是可行的：「白飯/薯仔/蕃薯加熱後放入雪櫃，就會產生抗性澱粉，抗性澱粉有益腸道健康，有助益生菌嘅繁殖，令白飯的升糖指數降低，再翻叮都唔會破壞抗性澱粉，隔夜飯平均可以將熱量減10-15% (~20-30kcal)。」
當然Sally不建議長期只吃紫薯，因為對身體不是一件好事情，她說：「如果長期正係食紫薯，身體吸收得唔夠蛋白質 (來源：肉類、豆類、海鮮等) ，會流失肌肉。」
《香港電影我撐場民選大獎2020》全民一人一票，用行動撐本土！
https://hkmovies2020.hk01.com
旗艦智能手錶 Series 5、Dyson風筒等豐富獎品等你贏！